Mga staff ng matitigbak na show dusa sa ugali ng bidang artista!

Namimiligro na matsugi ang isang TV show dahil mababa ang ratings nito. Hindi pa nakakabawi sa ratings ang show mula nang magsimula kaya bilang na ang mga araw nito.

Hindi ko sasabihin ang title ng programa para hindi ma-demoralize ang staff na dusa sa unpredictable behavior ng bidang artista.

On second thought, parang handa ang staff sa magiging kapalaran ng kanilang show dahil sa ugali ng lead star na pasaway.

Manny million dollars ang TF sa dalawang bagong commercial sa Amerika

Bongga talaga si Congressman Manny Pacquiao dahil dalawa ang kanyang bagong TV ad na ipinapalabas sa Amerika.

Siyempre, in dollars ang bayad kay Manny kaya nadagdagan na naman ang kanyang bilyones.

Milyon ang talent fee ni Pacquiao sa mga TV commercials na ginawa niya para sa dalawang sikat na kumpanya sa US.

Ex ni Aiko ayaw nang magsalita, ipinaubayA na sa lawyer

Hindi na magsasalita si Bulacan Mayor Patrick Meneses tungkol sa libel case niya laban kay Aiko Melendez pero accommodating ang kanyang lawyer sa mga reporters na nagtatanong sa status ng kaso.

Atty. Singian ang name ng lawyer ni Mayor Meneses at siya ang taga-update sa media ng development sa well publicized case ng kanyang kliyente at ni Aiko.

Pia Pilapil babalikan ang showbiz!

May balak na magbalik-showbiz si Pia Pilapil, ang unica hija ni Pilar at si Annabelle Rama ang tumutulong sa kanya.

Matagal nang manager ni Pia si Bisaya pero naudlot ang kanyang showbiz career dahil pinili niya na maging plain housewife. Si Pia ang misis ng blind model na si Gerry Gonzalo at may mga anak na sila.

Kahit bulag si Gerry, kumikilos siya ng normal. May trabaho siya at hindi nagbibigay ng problema sa kanyang pamilya.

Si Annabelle ang manager ni Pia dahil magkaibigan sila ni Pilar.

Si Bisaya ang unang sumugod sa ospital nang malaman niya ang tangka na pagpatay kay Pilar ng mga suspects na pinaghahanap pa rin ng mga pulis.

Gov. Singson parang anak na ang turing kay Lovi

Ang private plane pala ni Ilocos Sur Governor Chavit Singson ang ginamit ng Temptation Island girls nang lumipad sila sa Laoag para sa shooting ng kanilang pelikula.

Ang balita ko, ipinagamit ng libre ni Papa Chavit ang kanyang private plane. May kinalaman kaya si Lovi Poe sa pagpapahiram ni Papa Chavit ng eroplano?

May tsismis kasi na hindi totoo na hiwalay na si Lovi at ang kanyang boyfriend na si Ronald Singson na nakakulong sa Hong Kong. Ito raw ang reason kaya parang tunay na anak pa rin ang trato ni Papa Chavit kay Lovi.

Hindi ko pa nakakalimutan ang sagot ni Papa Chavit nang tanungin siya tungkol sa balita na hiwalay na sina Lovi at Ronald. Ang sabi ni Papa Chavit, hindi true ang tsismis.

Naniniwala ako kay Papa Chavit dahil wala sa image niya ang nang-ookray. Very honest siya sa pagsagot sa mga questions ng showbiz media.

Young actress nagmumukhang cheap sa kulay ng hair!

Dapat palitan ng isang young actress ang kulay ng kanyang buhok para hindi siya mapagkamalan na cheap girl.

Maganda ang mukha ng young actress pero nagiging cheap ang image niya dahil sa blonde color ng kanyang buhok.