Sinagop ni Sharon swerte niya
CEBU, Philippines - Mudaog matud pa sa usa ka kaso ang King of Talk nga si Boy Abunda suma pa sa paborito sa mga artista psychic Bro. Arman Cuban.
Si Cuban mitug-an sa Banat News Hugyaw nga musamot gihapon ka sikat si Abunda karong tuiga ug madungagan pa gyud ang product endorsements niini.
Sama kang Abunda, mas magmabungahon ang career ni Megastar Sharon Cuneta karong tuiga diin maghatag matud pa niini og dugang swerte ang ilang anak nga lalaki nga si Miguel
Samtang nalampasan na matud pa nila ni Shawie ug Senator Kiko Pangilinan ang mga pagsuway ug intriga sa ilang kaminyuon busa masaligon ang megastar nga magmalungtaron na gayud ang ilang pagpuyo.
Duna pa siyay duha ka TV shows nga himuon karong tuiga, gawas sa dugang pa nga product endorsements.
Sa Hunyo o Hulyo niining tuiga matud pa, mahinayon na gyud ang taodtaod na nga giplano nga movie ni Sharon sa Star Cinema. Posibling horror o family drama ang tema sa maong pelikula diin makadaog og acting award si Sharon.
Sa iyang panlawas, kinahanglan nga likayan niini ang pagkaon og daghang tam-is.
Si Bro. Arman daghan na og gitag-an nga kapalaran sa mga artista nga puros natinuod. Gawas niini musulbad usab siya sa suliran sa gugma, muhimo og feng shui sa panimalay ug mutambal sa mga sakit sakit sama sa barang ug uban pa. Ang iyang numero: 09053328446
- Latest
