Katrina kontrabida ni Camille

CEBU, Philippines -  Kontrabida ang papel ni Katrina Halili sa seryeng Munting Heredera kung diin siya maoy mosamok sa paghigugma ni Camille Pratts ngadto kang Mark Anthony Fernandez. Ang programang Beauty Queen maoy katapusang serye nga nabuhat ni Katrina sa GMA-7. Mapasalamaton ang aktres sa iyang mother network gumikan kay wala gyud pasagdi ang iyang showbiz career.

"I am Legend"

Subling malantawan sa nasud ang giisip nga rayna sa Asianovela nga si Kim Jung Eun pinaagi sa Korean series nga "I am Legend" nga magsugod na karong Mayo 2 sa ABS-CBN. Si Kim Jung nailhan na pag-ayo dinhi sa Pilipinas gumikan sa seryeng Lovers in Paris kaniadto kung diin siya maoy nidala sa papel ni Vivian.

Parokya sikat gihapon

Ilusad na sa Parokya ni Edgar karong adlawa ang bag-o nila nga single nga Pangarap Lang Kita. Gipamatud-an sa maong grupo nga nagpabiling buhi ang ilang puwersa sa natad sa musika.

Jolo mi-surrender

Gikatahong mihunong na si Jolo Revilla sa pagpadala og mga text message ngadto kang Kris Bernal gumikan kay dili kini gusto makadisturbo sa mga tawo nga duna na'y karelasyon. Matud pa nga malipayon na karon si Kris sa relasyon nila sa singer nga si Jay Perillo.

Gihikay na

Gisugdan na karon og hikay sa Star Cinema ang subling paggama nila og pelikula kung diin bida gihapon si Vic Sotto. Suma pa nga nalipay og maayo ang nahisgutang movie outfit sa kalampusan nga naangkon sa Pak! Pak! My Dr. Kwak busa tagaan gyud nila og follow-up project ang komedyanteng aktor.