Ces, Julius, at Karen buong araw magba-Bandila

MANILA, Philippines - Saan ka man naroroon at anumang oras, ma­­aari ka nang maki-Bandila kina Ces Oreña-Drilon, Julius Babao, at Karen Davila sa paglulunsad ng http:/bandila.abs-cbnnews.com, ang mi­crosite ng award-winning late-night newscast ng ABS-CBN.

Ayon kay Paul Henson, Bandila executive producer, magiging aktibo ang tatlo sa microsite at may kanya-kanya rin silang webpage na maaaring bisitahin ng kanilang tagasubaybay.

Maaari ring mag-post ng tanong ang mga anchors na maaaring sagutin ng mga bisita sa mi­cro­site. Ang pinakamagandang sagot ay ipapaskil o ipo-post nila.

Dito rin isahang masusundan ang mga posts ng programa sa Facebook at Twitter, pati na rin ang lahat ng posts kaugnay sa Bandila.

Abangan ang mga pinakabagong balita at ang mga eksklusibong istorya mula mismo kina Ces, Julius, at Karen sa pagpapalitan ng kuro-kuro.

Mapapanood ang Bandila sa telebisyon mula Lu­nes hanggang Biyernes, pagkatapos ng SNN sa ABS-CBN.