Solenn todo-deny na binitbit sa Bora sa sobrang kalasingan!
PIK : Nag-react si Solenn Heussaff sa kumalat na balitang nakita ito sa Boracay na lasing na lasing at binitbit na lang pauwi sa kanyang hotel.
May mga reliable sources kaming nagkuwento kung ano ang eksena pero nakiusap ang aming source na huwag nang palakihin pa. Kaya hindi na namin isusulat kung ano pa ang mga eksenang nasaksihan ng aming source.
Basta kasama ni Solenn sina Michelle Madrigal, JM Rodriguez, at ilang mga non-showbiz friends nila.
Sobrang apektado raw si Solenn sa nasabing balita.
Sey ng baguhang aktres, kaya pa niyang mag-swimming pagkatapos ng inumang iyun kaya OA naman daw ang lumabas na balita.
“No one ever carried me home. I’m a big girl, I’ll carry myself home na hahaha! Maybe the person who saw me was on something he shoudn’t be on,” sabi ni Solenn sa kanyang Twitter account.
Sinagot naman ito ni Lovi Poe ng : “Bwahahaha! You were drunk daw?! Brush it off and say whatever! Hahaha!”
PAK : Matagal nang nakarating sa amin ang kuwentong nagkaroon talaga ng relasyon ang kilalang hunk actor at ang kontrobersiyal na female celebrity.
Kasi naman super yaman itong si female celeb at bongga ang mga inireregalo kay kilalang hunk actor kaya sinusulit nito sa pagpapaligaya kay female celeb sa kama.
Pero nagkaroon na ng ibang karelasyon si female celeb at masayang-masaya na siya sa kanyang karelasyon, dedma na siya kay hunk actor.
Pero tuwing may kailangan si hunk actor, tinatawagan nito si female celeb at pinagbibigyan naman ng huli.
Pero dumating sa puntong nagsawa na rin si female celeb. Kapag tumatawag si hunk actor sa kanya at nagda-dialogue ng “I love you,” kaagad naman siyang sinasagot ni female celeb ng “What do you need ba? Magkano na naman?”
BOOM : Nagkita-kita sa hearing kahapon sina Jennylyn Mercado, Becky Aguila at Mel Pulmano sa dininig ang kasong BP 22 na isinampa ng isang negosyanteng natalbugan diumano ng dalawang tseke nina Jennylyn at Becky.
Naka-text lang namin si Becky at ayaw na niya sanang palakihin pa ito dahil naaawa na raw siya kay Jennylyn.
Ito raw ang dalawang tseke ni Jennylyn na nai-forge daw ni Mel kaya nadamay sila sa kaso.
Kuwento naman ni Mel, magkakaroon ng mediation sa June kung maaayos pa ba nila ang kaso.
Pero marami ang nakasaksi na nagdedmahan silang tatlo. Sabi ni Mel, okay lang daw sa kanya na hindi siya nabati.
Napag-alaman naming malapit na rin daw magsalita si Jennylyn kaugnay sa break-up nila ni Dennis Trillo at tungkol nga sa kaso nila ng dating PA niyang si Mel.
- Latest
