Iya gitupo kang Andrei

CEBU, Philippines - Gibaliwala lang ni Iya Villania sa higayon nga itupo siya ngadto sa iyang co-host sa Umagang Kay Ganda nga si Andrei Felix . Suma pa ni Iya nga dili kini angay himoong isyu gumikan kay naa na sa alimpatakan sa kadaghanan nga si Drew Arellano maoy iyang boyfriend.

"My Girlfriend is a Gumiho"

Ang Korean fantaserye nga "My Girlfriend is a Gumiho" maoy umaabot nga programa sa ABS-CBN nga gibidahan sa mga sikat nga artista sa Korea nga sila si Lee Seung Gi ug Shin Min Ah. Nailhan si Lee dinhi sa Pilipinas gumikan sa Korean series nga Shining Inhiritance samtang si Shin misikat gumikan sa seryeng Beautiful days.

Album ni Pacman ilusad

 Ilusad na karong Abril 28 ang international album sa boxing icon nga si Manny Pacquiao . Usa sa mga unod sa maong album mao ang awit nga unang gipasikat ni Dan Hill nga "Sometimes When We Touch."

Heart nahugyaw sa pangutana

Nahugyaw si Heart Evangelista sa iyang mga ginikanan gumikan kay gipangutana siya niini kung kanus-a sila magpakasal sa iyang boyfriend nga si Daniel Matsunaga. Gitataw ni Heart nga dili pa siya andam mosulod sa maong butang gumikan kay pareho pa sila nga nalingaw sa tagsa-tagsa nila ka mga showbiz career

Miley motikang sa Pilipinas

Motikang ang international singer nga si Miley Cyrus dinhi sa Pilipinas karong Junyo 17 alang sa usa ka concert sa SM Mall Concert Ground nga nag-ulohan og "Gypsy Heart World Tour 2011." Ang Pilipinas maoy bugtong nasud sa Asya nga bisitahon ni Miley karon tuiga alang sa iyang concert tour.Pipila sa iyang mga awit nga misikat dinhi sa nasud naglangkob sa "Party in the USA," "The Climb," "Can't Be Tamed" ug uban pa.