Ryza dunay aquaphobia

CEBU, Philippines - Dili feel ni Ryza Cenon nga motikang og mga beach resort gumikan kay dili siya kabalo molangoy. Dunay aquaphobia ang aktres nga nagpasabot nga hadlokan siya sa tubig gumikan sa iyang kaagi niadtong bata   pa siya sa dihang nalumos siya sa dagat.

Chris mibiya sa showbiz

Hingpit na nga mobiya sa showbiz ang singer-actor nga si Chris Cayzer ug miuli na kini sa Australia sa miaging adlaw. Kahinumduman nga nalakip kaniadto si Chris sa nagkadaiyang mga programa sa GMA-7 kaniadto, kini sama sa All My Life ,SOP ug Maynila.

Amy nayayay

Dul-an sa usa ka buwan nga mopahuway si Amy Austria sa showbiz human kini gitambagan sa iyang doktor nga dili magpalabi og hago. Temporaryong mawala og pipila ka mga episode si Amy sa seryeng Minsan Lang Kita Iibigin sa ABS-CBN.

Makakugang nga ending

Gipaneguro sa direktor sa Imortal nga si Richard Somes nga dili makalimtan sa viewers ang katapusang episode sa maong fantaserye karong Abril 29 . Suma pa sa direktor nga dili common ang ending sa maong programa busa angayan kini atngan sa mga fans sa mga bida sa Imortal nga sila si John Lloyd Cruz ug Angel Locsin.