Marvin tuloy ang pamimigay ng scholarship
MANILA, Philippines - Sa nakaraang solo concert ni Marvin Ong sa Music Museum ay inilahad ng new singer ang kanyang pagnanais na patuloy na mabigyan ng inspirasyon ang mga kabataan na mangarap at may mararating.
Isa na rito ang pangakong hindi niya bibitiwan ang pagbibigay ng libreng pagpapaaral sa pamamagitan ng scholarship program nang napiling beneficiary ng concert na Lingkod ng Potrero Foundation, Inc. Kasabay ito ng layunin ni Marvin na i-promote rin ang National Year of the Youth.
Parte ng sinabi ng recording artist ng Viva sa ipinamigay na magazine sa Marvin Ong… Beginnings show, “We have always pinned our hopes to the youth as our future. With proper education, they will surely be catalysts of change and progress.”
Lubos ang pasasalamat ng young singer sa mga sumuporta sa concert at sa self-titled debut album niya na gold record agad. Si Marvin ay hindi lang singer, gamay din niya ang theater. Nakaganap na siya sa stage musical na Sweeney Todd bilang Tobias. Ayon sa Viva, marami pang aabangang stage play kay Marvin.
- Latest
