AJ patay sa car accident

CEBU, Philippines - Sa edad nga 18, mipanaw na ang Kapamilya young actor nga si AJ Perez o Antonello Joseph Sarte Perez sa tinoud nga kinabuhi human mabangga ang gisakyan niya nga sakyanan ngadto sa usa ka bus kagahapon sa kadlawon didto sa Paniqui, Tarlac.

Gikan si AJ sa usa ka provincial show niadtong higayona nga gipahigayon sa Dagupan, Pangasinan alang sa tinuig nila nga Bangus Festival.

 Paingon na unta siya mobalik sa Manila sa dihang nahitabo ang trahedya ug kauban niya sa van ang iyang papa Gerardo Perez, driver nga si Christopher Bautista ug ang mga crew nga sila si Christina Ferrer, Edwin Patelos ug Danny Linunga.

"Kapamilya talent AJ Perez passed away early this morning after being rushed to a hospital in Tarlac. Together with his father, 2 road managers, a driver and an event marshal, they met a vehicular accident on their way back to Manila after a provincial show. ABS-CBN sympathizes with AJ's family on his untimely demise, and urges everyone to pray for the eternal repose of AJ's soul and for the family and loved ones he left behind,” tipik sa official statement sa ABS-CBN pinaagi sa ilang corporate communications head nga si Bong Osorio.

Suma pa sa taho nga gi-post ni Ogie Diaz sa iyang Twitter account nga natulog si AJ sa van ug ang iyang mga kaubanan atol sa maong insidente.

 "Sa bus po bumangga ang van sakay si AJ Perez kung saan yung left brain nya ang matinding napuruhan,” nagkanayon si Ogie.

Malakip si Aj sa Maalaala Mo Kaya karong April 30 ug pipila sa nangagi niya nga mga TV projects naglangkob sa Lobo," "Agua Bendita," "Sabel" ug nahimo usab siya nga guest judge sa "Showtime” kaniadto.

Nahimo usab si Aj nga bitoun sa mga sikat nga pelikula, kini sama "Kasal, Kasali, Kasalo" (2006); "Sakal, Sakali, Saklolo" (2007); "BFF" (2009); Babe, I Love You (2010) ug "Mamarazzi" (2010).

Natawo si AJ niadtong Pebrero 17, 1993 ug miyembro usab siya kaniadto sa Star Magic Batch 13 ug ang Your Song Presents: Underage maoy pinakauna niya nga big TV project.

Kasamtangang gipahimutang ang lawa ni sa La Salle Greenhills ug gitun-an pa sa iyang mga kabanay kung unsa ang angayan nga petsa ilubong ang young actor. (Sanden J. Anadia

Regine miangkon na!   

Giangkon na gyud ni Regine Velasquez kagahapon nga nagsabak siya karon hinungdan nga temporaryo siya nga mopahuway sa showbiz.Gihimo niya ang pag-angkon sa programang Party Pilipinas ug nangayo siya og despensa sa mga tawo nga hagbay ra nga nag-atang sa maong tubag.

Anne mibirit

Mibirit si Anne Curtis sa pagkanta og “Alone” sa dihang gipugos kini sa mga tawo nga mokanta sa usa ka event sa mall. Nasayran nga pag-abot ni Anne sa entablado, kalit lang misyagit ang mga tawo og “sample”. Ang nahisgutang termino misikat gumikan sa programa sa aktres nga Showtime sa ABS-CBN.

Balay ni Christian gilungkab

Nasudlan og mga kawatan ang panimalay ni Christian Bautista sa San Juan niadtong Sabado sa gabii nga mingresulta sa pagkahanaw sa kuwarta sa singer. Padayong giimbistigar sa kapolisan ang nahitabo ug wala pa masayri kung pila nga kantidad sa kuwarta ang nahanaw.Tua sa Iloilo si Chirstian sa dihang nahitabo ang maong insidente.

PP duna na’y bag-ong direktor

Nakakita na og bag-ong direktor ang programang "Party Pilipinas" sa GMA-7 isip hulip ni Rico Gutierrez kinsa mi-resign dili pa lang dugay sa maong show. Mipuli kaniya si GB Sampedro kinsa maoy motimbayayong sa laing direktor nga si Mark Reyes.

Namangka og duha ka sapa

Kasamtangang makita si Ian Veneracion! sa seryeng I ? You Pare sa GMA 7 ug gidawat usab niya ang usa ka importanteng karakter sa Maria La Del Barrio sa ABS-CBN.Wala’y exclusive nga kontrata si Ian sa duha ka mga istasyon busa makabuhat ra siya og bisan unsa nga proyekto basta dili lang ma-conflict sa iyang schedule. (BANAT NEWS)