Gimik ra ang goodbye ni Willie?

CEBU, Philippines -  Gimik ra gyud matud pa ang pagpanamilit ni Willie Revillame balig duha ka semana sa telebisyon, aron sa pagbalik sa Willing Willie sa TV5 sa liwas sa Semana Santa, mas mahugyaw ang publiko.

Kini maoy gibalita sa banggiitang showbiz personality nga si Tita Swarding sa showbiz program nga OkRyan sa dyRC 648kHz, kagahapon 10:30 sa buntag.

Tsika pa ni Tita Swarding nga usa sa mga dancers sa Willing-Willie mao mismoy mibutyag niini niadtong milabay nga gabii didto mismo sa iyang balay.

Matud ni Tita Swarding nga ang maong dancer, gikan nga mikuyog sa rally nga gipasiugdahan sa mga supporters ni Willie didto sa atubangan sa MTRCB office sa milabay nga Miyerkules ug midiretso sa iyang balay kay nakig-inom sa iyang mga ginsakpan.

Labihan matud pa sa kasaba sa grupo nga nag-inom samtang siya nagpamati lang sulod sa iyang lawak samtang naghisgot ang maong dancer kabahin sa Willing Willie. Gani mibutyag pa ang dancer nga sige matud pa ang ilang rehearsal didto sa balay ni Willie sa Tagaytay.

Gibutyag pud sa maong dancer nga kanunay matud pa saputon si Willie tungod kay apektado na kini sa kontrobersiya sa iyang show pagkakaron.

Matud ni Tita Swarding nga barugan gyud niya ang maong detalye nga gimik ra sa Willing Willie ang tanan, kay kundili guyuron niya ang maong dancer paingon sa TV5 aron pamatud-an niini ang iyang gisulti.

Iya hinuong giklaro nga dili gimik ang pagsayaw sa sais anyos nga si Jan Jan Suan sa Willing Willie niadtong March 12.

Derek ug Cristine suwayan

Si Derek Ramsay ug Cristine Reyes maoy magpares alang sa umaabot nga teleserye sa ABS-CBN nga mag-ulohan og “ Reputasyon.”

Ambot nimo Aljur

Gibasul matud pa ni Aljur Abrenica sila si Ryza Cenon ug Bella Padilla nga maoy mga rason nganong gamay ang rating sa pantaserye nila nga Machete. Pero si Ryza, miangkon man tuod nga nasakitan siya, pero deadma na lang iyang beauty.

Murampa samtang  wa pa maunlod

Sa Maldives ang dream destination ni Bubbles Paraiso, ilabi na nga gitagna nga 10 years na lang maunlod na ang maong isla. Pero perte matud pang dakoa sa magasto, transportation pa lang milyon na ang magasto.

Giuwan og projects

Gibalibaran na ni Carmina Villaroel ang umaabot nga teleserye sa GMA-7 nga “Munting Heredera” diin makauban unta niya si Ms. Gloria Romero. Dili na gyud matud pa madala sa iyang schedule sanglit duna na siyay Pepito Manaloto, Day-Off ug Amazing Cooking Kids.

Musamot ang intriga

Gipaabot na ni Angelica Panganiban nga intrigahon na pud sila ni Derek Ramsay nga nagbuwag na gyud sanglit dili sila mag-uban karong holy week. Gani, ang labing bag-ong intriga mao ang giingong sekreto nga panagtagbo matud pa nila ni Derek ug kanhi Sexbomb member nga si Aifa, nga parehong gikakugang nila ni Angelica ug sa aktor sanglit didto sa Boracay ang nauwahi nianang adlaw nga giingong natigayon ang ilang panagkita ni Aifa.

Si American Idol judge Jennifer Lopez maoy gideklara sa People Magazine isip

Most Beautiful Person 2011. 

“It’s so crazy. Rarely am I left speechless, but I feel honored. I feel not worthy, you know? I feel happy and proud. Proud that I’m not 25!” nagkanayon siya ngadto sa magazine. “I feel better, I feel smarter. In my 20’s, I just wasn’t there in my mind and my soul and my spirit. It’s just great to be in the position I’m in now and be able to share that with the world,” she explained. “I think it’s because I have a lot of love in my life. I feel lucky to be an attractive person, but I’ve always felt that real beauty always comes from your heart.”

Matud ni J.LO nga makahuluganon kaayo ang maong pasidungog.

I think with people like me and Jennifer Aniston, Halle Berry, and Julia Roberts, this generation is redefining what it is to be a woman who is not in her 20’s anymore but is still very viable, sexy and important,” nagkanayon siya ngadto sa PEOPLE. “We have a lot to offer. And people are starting to realize the beauty in that.”