Lovi type ni Fabio

CEBU, Philippines - Nangayo si Fabio Ide og phone number ni Lovi Poe. Matud pa nga naibog si Fabio ngadto sa young actress ug giingong wala kini babag sanglit pareho sila nga single.

Regine nagsabak

Nagmaya og maayo ang mga higala ni Regine Velasquez human nila nasayran sa programang Paparazzi sa TV 5 nga lima na diay kini ka buwan nga nagsabak apan nagpakahilom gihapon ang singer niini ug ang iyang bana nga si Ogie Alcasid.

Piolo motrabaho sa US

Gihikay na og sugod ang buhatong pelikula ni Piolo Pascual didto sa New York ug Los Angeles ug gituohan nga mao na kini ang instrumento nga mabatyagan sa maong dapit ang abilidad sa aktor sa natad sa pag-arte.

Pagsure Ariel!

Dili pa segurado si Ariel Rivera kung kanunay na ba siya nga makita sa ASAP Rocks human sa malampuson niya nga song number sa maong programa niadtong Domingo. Nag-agad ra siya Ariel kung unsa ang desisyon sa mga kadagkoan sa Dos.

Philip napungot sa reporter

Napungot matud pa si Philip Salvador sa pangutana sa usa ka reporter sa Tweetbiz Insiders sa GMA News TV kinsa mi-follow-up sa isyu kaniadto nga wala siya imbitara sa graduation sa anak nila ni Kris Aquino nga si Joshua.

Gi-career ni Pokwang

Daghan ang nahugyaw sa profile picture sa Twitter account ni Pokwang gumikan kay iya kining hulagway diin nagtupad sila ni Joey de Leon. Malipayon si Pokwang gumikan kay nagtingog na sila ni Joey.

Jon ug Heidee nagka-higugmaay sa usa’g-usa

Ang usa sa mga bituon sa Good Vibes sa ABS-CBN nga si Heidee Riego maoy gikatahong kanunay nga ka-date sa actor nga si Jon Avila.

Giingong usa ka tuig na sila nga nagkaila ug naa na sa “MU” (mutual understanding) stage ang ilang istado.

Usa ka commercial model si Heidee , gani siya ang babaye nga kauban ni Enchong Dee sa usa ka food chain TV commercial.

Suma pa ni Jon nga todo suporta ang iyang gihatag alang sa acting career ni Heidee.

Bea motungha pagbalik

Nagplano si Bea Alonzo nga motungha pagbalik aron matuman ang iyang pangandoy nga makahuman og kolehiyo.

Go Cesar!

Si Cesar Montano maoy mangunay paghimo sa theme song sa bag-ong programa niya sa GMA-7 nga Andres de Saya .

“Tambay” nag-una

Ang awit sa grupong Sponge Cola nga “Tambay” maoy nag-una sa Pinoy MYX Countdown sulod sa pipila na ka mga adlaw.                             

Gipanday pa

Wala pa’y final date ang TV 5 sa pagpasalida sa seryeng paresan nila ni Jasmine Curtis ug JC de Vera.

Rainier nakauyon  sa TV 5

Gikumpirmar ni Rainier Castillo nga dako ang iyang nadawat nga talent fee sa TV 5 ikumpara sa dihang talent pa siya kaniadto sa GMA-7 busa hanap ang posibilidad nga mobalik siya sa kanhi niya nga mother network.

Jhake giintriga

Suod kaayo ni Jhake Vargas ang inahan ni Bea Binene apan iyang gihimakak ang isyu nga matud pa nga mao kini ang iyang pamaagi gumikan kay nagplano kini nga mangulitawo sa batang aktres.