Cristine ug Rayver mosuporta ni Sarah

CEBU, Philippines - Tsika pa ni Cristine Reyes nga nagsabot sila sa iyang boyfriend nga si Rayver Cruz nga motan-aw sa pelikulang Catch Me..I’m Falling nga gibidahan nila ni Sarah Geronimo ug Gerald Anderson. Suma pa sa aktres nga kasamtangan niya karon nga gipahimutang ang iyang schedule aron makatan-aw sa nahisgutang pelikula sunod adlaw.

Gina dili madayon sa minsan

Dili madayon ang planong pag-guest ni Gina Pareña sa seryeng Minsan Lang Kita Iibigin gumikan kay daghan pa siya og mga importanteng eksena sa Mara Clara. Mapasalamaton si Gina sa ABS-CBN gumikan kay wala gyud mabakantehe ang iyang showbiz career.

Wala’y Biyaay

Gipasalig sa duha ka mga sakop sa XLR8 nga sila si MM ug MJ Magno nga dili gyud sila mobiya sa ilang grupo bisan paman nga busy na sila karon sa bag-ong show sa GMA-7 nga Starbox. Suma pa sa duha nga padayon gihapon sila nga makit-an sa musical-variety show nga Party Pilipinas

Regine dili kakuyog sa Australia

Kinahanglan ni Regine Velasquez og saktong pahuway busa ang iyang bana na lang nga si Ogie Alcasid maoy mitikang sa Australia karong Abril 18 aron bisitahon ang mga anak niini nga sila si Leila and Sarah. Mobalik dayon si Ogie sa nasud atol sa birthday ni Regine karong Abril 22.