Lovi may patama sa 2 Kapamilya star
Kanino kaya patungkol ang mga tweets ni Lovi Poe? Ito ang mga nilagay niya, “If some people think that it’s cool to be looking all superior…wrong, it’s so fun to be down to earth” at “And don’t act superior if you know that you have no K to be. Bwahahaha!”
Sabi, bukod sa female airport staff na nagpaalis kina Lovi, Michelle Madrigal, Solenn Heussaff, at Bianca King sa VIP room ng Cebu airport dahil para sa ABS-CBN stars ang room, may dalawang female talents ang network na hindi naging friendly sa grupo. Sila yata ang tinutukoy ni Bianca sa tweets na “ boring & uptight girls.”
Speaking of Lovi, hindi pa man nasisimulan ang shooting ng Temptation Island, may next movie na siya sa Regal Entertainment, Inc. Kasama siya nina Dennis Trillo, Carla Abellana, at Jake Cuenca sa cast ng My Neighbor’s Wife. Nasa Captain Barbell din siya sa role ni Althea, isa sa four leading ladies ni Richard Gutierrez.
Isa rin si Lovi sa nagpasalamat sa mga viewers na tumutok sa pilot episode ng Captain Barbell at sa nakuha nilang 13.9 percent ratings.
***
Matutuwa ang mga fans nina Claudine Barretto at Mark Anthony Fernandez na matagal nang naghihintay sa balik-tambalan ng dalawa sa pelikula dahil ibinalita ng actor na nakausap namin sa taping ng I Heart You Pare na next month na nila sisimulan ang pelikulang wala pang title.
“Alam ko matutuloy na kami, nag-usap na kami ni boss Vic (del Rosario) at maganda ang naging usapan namin. Ang alam ko, Viva Films lang ang producer ng movie at wala akong balita kung may co-producer sila,” wika ni Mark.
In the meantime, sa I Heart You Pare muna mapapanood si Mark.
***
Tatakbo ng 16 weeks ang Alakdana pero kahit nasa nine weeks pa lang ang afternoon soap, inihahanda na ng GMA 7 ang kapalit na soap. Ito’y ang TV version ng pelikulang Blusang Itim na pinagtambalan nina Snooky Serna at Richard Gomez.
Ilan sa nag-audition sa role ni Snooky sina Gwen Zamora, Kylie Padilla, Andrea Torres, at Sarah Lahbati. Kasama sa pumipili sa magbibida si Jay Altarejos na natokang magdirek nito.
Wala ang pangalan ni Isabelle Diaz sa list nang nag-audition o baka hindi pa siya naka-schedule mag-audition. Noong bagong pirma ng kontrata sa GMA Network ang dalaga, nabanggit sa amin na baka ang Blusang Itim ang maging launching project nito.
***
Natutuwa si Ehra Madrigal sa karakter niyang si Mandy sa I Heart You Pare na na-in love sa karakter ni Regine Velasquez na nagpanggap na lalaki. Tawanan sila ni Songbird nang kunan ang eksenang gusto niya itong halayin, hindi siya nailang, okay ’yun kesa lalaki ang halayin niya.
Hindi maiwasang pati si Ehra tanungin sa break-up nina Michelle Madrigal at Jon Hall at naiintindihan niya ang pag-iyak ng kapatid sa Startalk. Gustuhin man niyang magkabalikan ang dalawa pero kung laging nag-aaway, okay nang hiwalay sila.
Kung si Michelle hindi nagtatagal ang mga relasyon, si Ehra ay seven years na BF si DJ Myke, pero wala pa silang planong magpakasal lalo’t maraming trabaho ang nobyo ngayon na pumapasok na sa mainstream showbiz world.
- Latest
