Aktor na may asim pa, hinahabol ng isang mestisang babae

PIK : Bukod sa official statement na inilabas ng TV5 kaugnay sa isyung pagsayaw ng batang si Jan Jan sa Willing Willie na naging tampulan ng pambabatikos kay Willie Revillame, humingi na rin ng paumahin ang kontrobersiyal na TV host sa mga na-offend sa napanood nila sa programa.

Ang magulang na rin mismo ng batang si Jan Jan ang nagsabing hindi naabuso ang kanilang anak dahil ang gusto lang naman daw nito ay makalabas sa TV at maipakita ang kanyang talent sa pagsasayaw.

Bading pala ang ama nitong si Jan Jan at meron itong parlor sa may Project 6, QC.

PAK! Kamakailan lang ay nag-celebrate ang kilalang showbiz couple ng kanilang wedding anniversary.

Mahigit tatlumpo’t taon na ang kanilang pagsasama at masasabing matibay ang kanilang relasyon.

Pero may asim pa rin kasi si aktor at napakakisig pa rin nito kaya pinagnanasaan pa rin hanggang ngayon ng ilang kababaihan.

Isang mestisang taga-South ang matindi pa rin ang pagnanasa sa magaling at matikas na aktor at ang ginagawa nito ngayon, nagkakalat siya ng kung anu-anong isyu tungkol sa relasyon daw nila ni aktor.

Kaya nag-text sa amin ang magaling ding aktres na asawa ni aktor na walang makakasira sa maganda nilang pagsasama.

“Tahimik at masaya kaming nagmamahalan. Walang maaring sumira nun. Habang buhay,” bahagi ng text sa amin ni aktres.

Patuloy pa ring nagti-text itong mestisang taga-South ng kung anu-anong imbentong kuwento sa kanila ni aktor at ipinaparating niya ito sa mga movie press.

BOOM : Ayaw pa ring magsalita ni Jennylyn Mercado at Dennis Trillo kaugnay sa kanilang break-up.

Ang problema, may mga nadadamay na sa kanilang pananahimik dahil ang manager nila ang nagsalita para sa kanila.

May conflict na rin ngayon kina Becky Aguila at Popoy Caritativo dahil sa mga palitan nila ng statement para ipagtanggol ang kanilang alaga.

Pati ang Mommy Lydia ni Jennylyn ay apektado at nagkasakit na nga raw ito dahil sa sobrang pag-aalala sa kanyang anak.

Kaya mas gusto na lang ni Jennylyn na manahimik para hindi na raw lumala pa ang gulo.