Kinsay gidagsaan?

CEBU, Philippines -  Gibutyag sa administrative officer sa SRP Management Team nga si Claire Cabalda nga gibana-banang moabot ngadto sa 60, 000 ka mga tawo ang midagsa sa programang ASAP Rocks (ABS-CBN) sa South Road Properties kagahapon. Samtang ang Party Pilipinas (GMA-7) sa Fuente Osmeña Circle gidagsaan lang og 10,000 ka mga tawo ug kini base sa impormasyon sa mga sakop sa kapulisan nga nadestino sa maong area.

Album ni Willie nalupigan ni Angeline

Ang self-titled debut album sa “Star Power” grand winner Angeline Quinto maoy Astrovision’s best-selling album alang sa first quarter karong tuiga. Gilupig ni Angeline ang music album ni Willie Revillame nga “I Love You” diin nahimutang lang kini sa ikatulong puwesto.

Brenna ug Clarence sa Goin’ Bulilit

Ang SCQ Grand Questors Brenna Peñaflor ug Clarence Delgado maoy mga bag-ong bituon sa Goin’ Bulilit. Makauban usab nila ang SCQ finalists nga sila si Josef Kristian Bernardo ug Queennie Sulit.Gawas niini, giingong tagaan pud og laing programa ang mga produkto sa SCQ aron mabaid ang ilang mga abilidad sa pag-arte.

Rachelle masinabtanon nga uyab

Tsika pa ni John Pratts nga walay problema alang sa iyang uyab nga si Rachelle Ann Go kung madayon ang giplanong proyekto diin iyang makauban ang iyang ex-girlfriend nga si Shaina Magdayao. Suma pa sa aktor nga nakasabot ra si Rachelle sa maong plano sanglit parte raman kini sa trabaho isip personalidad sa showbiz.

Kylie naglikay sa press

Giingong wala magdugay si Kylie Padilla sa birthday party ni Aljur Abrenica sa usa ka restaurant sa Quezon City niadtong milabay nga gabii.Matud pa nga naglikay kini sa media gumikan kay dili kini buot motubag sa mga pangutana kalabot sa tinuoray nga istado nila ni Aljur.

Jon nahigugma pa ni Michelle

Giangkon ni Jon Hall nga naa pa siya’y feelings ngadto sa iyang ex-girlfriend nga si Michelle Madrigal. Kanunay sila maglalis hinungdan nga mas gipili nilang duha nga mag-friends na lang.

Samtang lisod alang sa duha ang ilang sitwasyon karon gumikan kay kanunay sila nga magkita ilabi na nga kauban sila sa Captain Barbell. (Sanden J. Anadia)

Juliemo Fever ... Nagkalig-on na pag-ayo ang tandem nila ni Julie Anne San Jose ug Elmo Magalona sa Party Pilipinas.Gibutyag nila nga unique ang ilang tandem gumikan kay wala sila’y kaparehas nga nga performers sa kaatbang nila nga programa, ang ASAP Rocks sa ABS-CBN. “Kaya nga komportable kami sa isat-isa sa mga production numbers namin,” hirit pa ni Julianne. Nasayran nga dunay Juliemo Fans nga gikan sa Tacloban ang mitikang kagahapon sa Party Pilipinas sa Fuente Osmeña Circle aron lang gyud masaksihan ang ilang mga idolo.

Gikatahong adunay gihulma karon ang ABS-CBN nga usa ka serye diin ang bida niini mao ang Sugbuanon ug produkto sa Star Power nga si Akiko Solon. Tsika pa ni The Freeman entertainment writer Vanessa Balbuena nga nataypan si Akiko sa ABS-CBN gumikan kay maayo kini molitok og pinulongang Tagalog.Dugang pa nga pang-serye material ang dagway ni Akiko busa sayon ra kini kagaton sa masa.