Daiana mahinayon sa Bollywood

CEBU, Philippines - Mudayon gyud diay ang Brazilian beauty nga si Daiana Meneses sa Bollywood. Suma paniya sa iyang programa sa TV 5 News and Sports Channel niadtong Huwebes sa kadlawon, upat ka pelikula ang iyang himuon didto sa India, apan wala kini magpasabot nga talikdan na niya ang Philippine showbiz. Suma pa niya mag-ngadto nganhi lang siya sa India ug Pilipinas tungod kay nahigugma na siya sa nasud. Pahimuslan lang gyud niya pa ang kahigayonan nga miabot sa iyang kinabuhi.

Walang personalan

“Trabaho lang, walang personalan,” ang lenggua sa TV host ug wellness guru nga si Cory Quirino kabahin sa iyang pagdawat sa franchise sa Miss World Philippines pageant. Suma pa niya, maayo ang iyang relasyon sa Binibining Pilipinas Charities Inc., ug hugtanon siyang nag-ampo nga dili kini maapektuhan karon. Ang Miss World Philippines isalida sa GMA-7 karong July 30, 2011 sa Philippine International Convention Center (PICC).

Kapuso ang casts sa temptation

Final casts na gyud matud pa sa Temptation Island Remake sa Regal Films. Ug kini maglakip nila ni Marian Rivera, Heart Evangelista, Solenn Heusaff ug Rufa Mae Quinto. Ang mga lalaki maglangkub nila ni Aljur Abrenica, Tom Rodriguez, ug Paulo Avelino. Apil pud sa casts sila si John Lapus ug Tim Yap.(