Solenn dibdiban ang pag-aaral ng Tagalog

PIK : Dibdiban ang pag-aaral ni Solenn Heussaff ngTagalog bilang paghahanda sa role na gagampanan niya sa Temptation Island.

Sa Huwebes daw ay magsisimula na siyang mag-aral at pati sa shooting ay meron din siyang tutor para hindi naman daw siya mapahiya sa mga kasama niya sa pelikula ng Regal Films.

Alam niyang malaking break sa kanyang showbiz career ang Temptation Island kaya kakaririn niya raw ‘to.

PAK : Marami ang naawa sa isang magandang young star dahil mukhang in love na in love daw ito ngayon sa guwapo at seksing young actor kaya panay ang buntot nito.

Kahit nasaan daw si young actor, nandun din itong si magandang young star na sumasama sa kanya.

Okay naman sana kung ganun din ang love na ibabalik ni young actor, pero mukhang hindi naman daw ito ganun kaseryoso.

Minsan, galing sa isang out of town show si young actor, itong si young actress pa raw ang sumundo sa kanya. Kaya lang bago lumabas ng arrival sa airport si young actor, may ka-text ito na ibang magandang young actress, hindi itong si young star na sumundo sa kanya.

BOOM : Wala raw balak ang pamilya ni John Apacible na kasuhan ang tiyuhin nito na bumaril sa kanya.

Kapatid pala mismo ng ina ni John ang nakapatay sa kanya at ang latest na narinig namin, gusto na raw nitong sumuko.

Nagsisisi naman daw itong tiyuhin ng aktor sa ginawa niya. Talagang napuno lang daw ito sa ginawa sa kanya ni John kaya napaputukan niya ito.

Mabait naman si John, pero iba raw pala ito pag malasing kaya maaring may ginawa ito sa tiyuhin niya kaya napilitan itong barilin siya.

Bago mag-weekend ay iki-cremate na raw ang labi ng aktor.