Cory nagpakita sa graduation ni Josh
CEBU, Philippines - Malipayong gipahibalo sa TV host/actress nga si Kris Aquino nga naa matud pa ang presensiya sa mipanaw na niya nga inahan nga si kanhi Presidente Cory Aquino sa graduation sa iyang anak nga si Josh.
Matud pa ni Kris nga ang kinamanghoran niya nga anak nga si Baby James maoy nakabantay sa presensya sa kanhi presidente.
“Good morning. Bimby during Josh’s graduation told me & my sisters that he could see his lola cory on stage. We asked what she was saying & he said for me & kuya to kiss her here, then he pointed at his cheek,” nagkanayon si Kris pinaagi sa iyang Twitter account.
Matud pa sa TV host nga nagpasabot lang kini nga malipayon ang kanhi presidente nga naka-graduate na si Josh sa intermediate school nga maoy perming giampo sa iyang inahan kaniadto.
“Mom really kept praying for Josh & helping aid his development, so we know she must have felt so gratified to see Josh moving on to his next level of learning.And I believe Bimby, na si lola cory nagparamdam nga because josh has such a special place in her heart!,” dugang pa ni Kris.
Kahinumduman nga kompleto ang magsoung Aquino sa sa graduation ni Josh sa Multiple Intelligence International School sa Quezon City niadtong Dominggo..
Andi Walay Gibasol
Gipadayag ni Andi Eigenmann nga wala niya basola ang co-star niya sa Minsan Lang Kita Iibigin nga si Martin del Rosario human siya aksidenteng napusilan niini sa taping sa maong serye niadtong Biyernes diin nakabaton siya og second degree burn gumikan sa blank bullet.Tsika pa ni Andi nga aksidente lang ang nahitabo ug malipayon niya nga gipahibalo nga maayo na karon ang kondisyon sa iyang lawas.
Isabel nakugang sa rebelasyon ni Bimby
Nakugang ug nakapangutana si Isabel Oli kung diin nag-ugat ang rebelasyon ni Bimby nga siya maoy uyab sa sa amahan sa bata nga si James Yap.Nakugang si Isabel sa maong isyu ug subli siya nga mi-deny niini ug iyang giklaro nga wala pa niya mahimamat sa personal si Bimby. Nanghinaut ang aktres nga mahunong na ang maong isyu.
“My Princess”
Ang umaabot nga romantic Koreanovela sa ABS-CBN nga “My Princess” maoy usa sa mahimong parte sa “Kapamilya Gold” campaign sa nahisgutang network. Ang maong serye gibitounan nila ni Kim Tae-hee ug Song Seung-hun nga nahimong kabahin kaniadto sa Stairway to Heaven ug Endless Love: Autumn in My Heart.
Will.I.Am naghinam-hinam na sa 2NE1
Naghinam-hinam na ang Black Eyed Peas member nga si Will.I.Am sa paghuman sa album sa grupong 2NE1. Kahinumduman nga naka-record na kaniadto si Will og napulo ka English songs uban sa 2NE1.Kahinumduman nga misaad kaniadto si Will nga tabangan ang maong Korean group partikular na sa pag-compose og kanta.
No Commercial Break
Walay commercial break ang pilot episode sa seryeng Nagbabagang Bulaklak kagabii. Giingong mao kini ang estilo sa TV 5 kung duna sila’y dagkong ilusad nga programa sama sa serye kaniadto nga Hampaslupa.
- Latest
