John Apacible gipusil patay sa uyoan

CEBU, Philippines - Duha ka samad pinusilan sa dughan maoy hinungdan sa dinaliang kamatayon sa 38-anyos nga aktor nga si John Apacible o Enrique Rustia Apacible sa tinuod nga kinabuhi human siya napusilan kagahapon sa alas tres kadlawon didto sa Greenland Subdivision, Barangay San Juan, Cainta, Rizal.

Ang suspek sa pagpatay sa aktor mao ang iyang 61-anyos nga uyoan nga si Armando Rustia.

Sa pasiunang imbestigasyon sa kapulisan sa Cainta nga nahitabo ang maong insidente samtang nag-inom ang duha.

Gideklarar nga dead on arrival si John sa dihang gidala kini sa Metro Rizal Doctors Hospital sa Cainta, Rizal.  

Nagsugod ang showbiz career ni John niadtong 1996 ug ang pelikulang Nights of Serafina sa Regal Films maoy pinakauna niya nga proyekto.

Siya usab ang midala isip Lt. Col. Santiago sa seryeng Minsan Lang Kita Iibigin sa ABS-CBN. (Sanden J. Anadia)

Edukasyon gipalabi ni Julia

Migradwar na sa high school ang Mara Clara star nga si Julia Montes niadtong Sabado. Tsika pa sa batang aktres nga magsilbi unta siya nga inspirasyon ngadto sa ubang bata nga unahon gyud ang pag-eskwela bisan sa ka-busy sa iyang career.

Enchong gidudahan

Nakadawat karon og mga pagsaway ang young actor nga si Enchong Dee gikan sa iyang mga kritiko gumikan sa kanunay kini nga magbalik-balik nga matud pa nga duna siyay special girl apan dili niya puwedeng ibutyag ang pangalan niini. Gidudahan ang aktor nga posibleng gituyo kini niya aron mahisgutan pag-ayo ang bag-o niya nga serye sa ABS-CBN nga Maria la del Barrio.

Bantayan type ni Chariz

Nagplano si Chariz Solomon nga mobakasyon sa Bantayan Island kung bakante ang iyang oras uban sa iyang non-showbiz boyfriend."Nakita ko sa internet, ang ganda talaga ng place, sana makapunta ako," tsika pa ni Chariz sa dihang ekslusibo nga nahinabi sa Banat Hugyaw niadtong Sabado.

Ryza sa afternoon soap

Human sa Machete, usa ka afternoon series ang follow-up project ni Ryza Cenon sa GMA-7. "Hindi pa puwedeng sabihin kung sino ang kasama ko, basta aabangan nyo na lang," hirit pa ni Ryza.

Balay ni Heart nasunog

Nasunog niadtong Sabado ang panimalay sa pamilya ni Heart Evangelista didto sa Carmona, Cavite.Wala’y gikatahong naangol sa maong insidente.

Deny na pud!

Giangkon ni Aljur Abrenica nga nahimamat na niya sa personal ang amahan ni Kylie Padilla nga si Robin apan wala pa niya nahisgoti ang tinuoray niya nga feelings ngadto sa dalaga.Tsika pa ni Aljur nga permi sila nga manglaag ni Kylie uban sa mga higala niini.Giklaro usab sa aktor nga dili pa sila uyab ni Kylie busa igo lang siya mopahiyom kung dunay manungog kanila.

Sarah ug Cristine nagtingog na

Nagpinasayloay na sa usag-usa sila si Sarah Geronimo ug Cristine Reyes sa back stage sa ASAP Rocks kagahapon. Giingong miuna gyud og duol si Sarah kang Cristine aron hingpit na gyud sila nga magtingog. Dugang pa nga nangayo napud og pasaylo si Cristine ngadto sa inahan ni Sarah. (BANAT NEWS)