Concert ng P-Pop inaabangan na!

MANILA, Philippines - Ilang tulog na lang at magaganap na ang inaabangang concert ng mga bagong idolo ng bayan, ang P- Pop Explosion. Yup, sa April 1 na ang concert ng grupong XLR8, Pop Girls at RPM na gaganapin sa Aliw Theater, 8:00 p.m.

Patutunayan nila na may karapatan silang tawaging bagong idolo ng bayan.

Bukod sa matinding kantahan, ipapakita rin ng tatlong grupo ang galing nila sa pagsayaw.

Say ng miyembro ng XLR8 na si MM, ngayon pa lang ay todo na ang ginagawa nilang ensayo para hindi ma­pahiya sa maraming fans na madalas dumadagsa sa Party Pilipinas kung saan sila regular na napapanood.

Sobra ang sikat ng XLR8 ngayon. Tuwing Linggo, dumarayo ang followers nila sa Studio ng GMA 7. Ayon sa isang source, at sa marketing ng GMA 7, mataas ang portion ng XLR8. “Sana bigyan sila ng mas mahabang exposure kesa sa ibang hindi naman talaga kumanta,” say ng source.

Ang XLR8 ay binubuo nina Kiko, Aki, Caleb, twins MM and MJ, Arkin, AJ and Carlo.

Isa pang mabilis ang pag-arangkada ay ang grupong Pop Girls na binubuo ng limang teenager na mga artistahin ang aura.

Pang-bagets ang mga kanta nila at madaling maalala.

Maraming beses na silang nakasama sa concert ni Sarah Geronimo at sa totoo lang, parati silang patok sa audience ng pop princess.

Binubuo ang grupo nina Rose, Schai, Nadine, Joanna and Angellie.

Napahanga nila agad ang bossing ng Viva na si Mr. Vic del Rosario sa grupo kaya agad silang binigyan ng recording contract.

Ang pangatlong grupo na RPM hit off right away nang magkita-kita sila.

Binubuo ang grupo nina Carl, Chris, Pio, Vince, Anna, Sam and Yanna.

August 2010 lang nabuo ang grupo pero ang bilis ng takbo ng career nila.

Ano ba ang RPM?

RPM means Real Pinoy Music.

With their self-titled album out in the market, RPM is proud to say that it’s something everyone will enjoy.

Ang carrier single ng album ay Para Sa ‘Yo. 

Tickets to P-Pop Explosion are priced at P1,500 (VIP Gold), P1,200 (VIP Center Left/Right), P800 (Patron Center Left/Right), P650 (VIP Side Left/Right) and P400 (Patron Side Left/Right).

Tickets are available at SM Tickets (tel. no. 470-2222) and Ticketworld (tel. nos. 891-9999). For details, call Viva Concerts at 687-7236.