Budbod Kabog sa Catmon

CEBU, Philippines - Mabulokon na usab nga gisaulog sa mga taga Catmon ang ilang tinuig nga Budbod Kabog Festival niadtong Pebrero 10, 2011 atol sa pangilin ni Senor San Guillermo De Aquitania, ang patron sa maong lungsod.

Ang Budbod Kabog usa ka delicacy nga sagad matilawan sa amihanang Sugbo ilabi na gayud sa Lungsod sa Catmon.

Ang Budbod Kabog Festival  mao ang pag-showcase sa kinatibuk-ang proseso sa pagbuhat sa Budbod Kabog diin aduna kini siyam ka steps. Kini mao ang Kabhig, Bugaw, Kayog, Hakot, Gi-ok, Asod, Alig-ig, Pasiko ug Kilikiti.

Unom ka mga entrante ang miapil karong tuiga diin gibuksan kini pinaagi og Street Dancing o ang Sadsaran Contest. Nanukad kini gikan sa Catmon Central School paingon sa Pedro J. Monsanto Sports and Cultural Center alang sa Dance Showdown Competition.

Sa wala pa mopasundayag ang unom ka mga grupo, ang unom ka mga maanyag nga mga babaye una nila ang mipasundayag. Sila ang mga kandidata sa Budbod Kabog Festival Queen Search.

Ug gisundan dayon kini sa Ritual and Showdown Competition.

 Nalingaw gayud ang mga bisita nga misaksi sa maong hugyaw nga pasundayag. Para nako, karong tuiga ang labing nindot nga pasundayag itandi sa mga nanglabay nga katuigan.

Over-all Champion ang Gabriel Jurado Foundation School karong tuiga. Ang maong grupo usab ang midaug sa Sadsaran Competition.

Samtang ang Budbod Kabog Festival Queen 2011 mao si  Richelle Dela Torre Resurreccion sa Passionist Sister’s School.

 Ang Budbod Kabog sa Lungsod sa Catmon, nahimo nang “identity” sa maong lungsod!

Budbod Kabog Festival 2011 Contingents:

1.         Ceferino Sususco Memorial National High School

            Barangays Agsuwao, Bongyas, Anapog og Tabili

2.         Tinabyonan National High School

            Barangays Cambangkaya, Amancion, Ginabucan og Tinabyonan

3.         Tribu Kinaiyahanong Catmonanon

            Gabriel Jurado Foundation School

            Barangay Flores, Catmondaan og Can-ibuang

4.         Catmon Central Elementary School

            Barangay San Jose, Duyan og Corazon

5.         Tribu Manganihay

            Passionist Sister’s School

            Barangay Macaas, Bactas og Cabungaan

6.         Catmon National High School

            Barangays Panalipan, Binongkalan og Basak

Budbod Kabog Festival 2011 QUEEN

1st        Krizza Pearl Nuñeza

            Gabriel Jurado Foundation School

2nd      Catherine Aringay Loyloy

            Ceferino Sususco Memorial National High School

3rd       Rose Marie Sususco

            Catmon National High School

4th       Loradel Dona

            Tinabyonan National High School

5th       Ricamae Jayson

            Catmon Elementary School