Aljur laging masaya dahil sa anak ni Robin
Katatapos lang ng medication ni Regine Velasquez for her bronchitis, pero maga pa ang mukha dala ng steroids nang makita namin sa taping ng I Heart You Pare. Nag-iingat siya ngayon na ’di uli magkasakit by taking vitamins at ’wag masyadong magpagod at ma-stress.
Anyway, makakapagpahinga uli si Regine dahil sa Holy Week, pupunta sila ni Ogie Alcasid sa Australia para bisitahin ang mga anak nito. Sa April 22 (her birthday) sila aalis at one week sila roon. Na-promise nila kina Leila at Sarah na bibisita sila at excited na ang mga bata sa Easter egg hunting.
* * *
Kay Dingdong Dantes namin unang nalaman na last Sunday ang first taping day ni Marian Rivera ng Amaya at sa Subic ang taping. Magiging busy ang aktres sa taping ng epic serye sa direksiyon ni Mac Alejandre at eere sometime in May.
Na-tweet ni Popoy Caritativo, manager ni Marian, na sobrang saya ng aktres na nakapagsimula nang mag-taping. May eksenang naka-topless ang aktres pero okay lang dahil nagawa na niya ito sa Dyesebel. Hintayin natin kung paano ilalabas ang topless scene ni Marian na hindi mai-X ng Movie and Television Review and Classification Board (MTRCB) at walang magre-react.
Nabanggit din ni Popoy na lahat ng lalaki sa Amaya ay nakabahag at si AJ Dee ay halos kita na ang puwet. Leading men ni Marian dito sina Sid Lucero at Mikhael Daez na nakabahag din siguro.
* * *
Mamayang 6 p.m., na ang mala-awards night na presscon ng Mga Nagbabagang Bulaklak na gaganapin sa Teatrino Promenade Greenhills. Ang laki ng cast ng drama serye na tungkol sa TV industry at kung saan, puro pangalan ng bulaklak ang pangalan ng mga artistang babae. Ang mga lalaki nama’y makikilala sa mga pangalang Mr. A at Mr. D.
Isa sa bidang babae ay si Sheryl Cruz na may pangalang Rosal at isa sa mga kabit ni Mr. D (Richard Gomez). Nagulat kami dahil pumayag itong gumanap na ina nina Arci Muñoz at Ritz Alzul pero sa presscon pa lang namin malalaman kung sino sa kanila ang Daisy at Dahlia.
“No problem maging mother nila ako dahil lalabas akong nasa mid-30s na rito at ang mga anak ko ay 15 and 16 years old. In real life naman, malapit nang mag-teenager ang daughter ko. Saka, trabaho ito and I have to do my job,” sabi ni Sheryl.
Natutuwa si Sheryl na makasama si Ruffa Gutierrez na halos kasabay niyang lumaki at si Richard na nakasama niya sa Regal movies, pero ’di nagkita ang kanilang karakter at maliit pa siya. Ngayon lang sila magkakasama sa TV.
* * *
Kulang na lang banggitin nina Ryza Cenon, Bela Padilla, Kris Bernal, at ni Raymond Gutierrez ang name ni Kylie Padilla na nagpapasaya kay Aljur Abrenica. Binuking ng tatlong leading ladies ng aktor sa Machete na laging masaya ito sa taping.
Give away din ang tanong ni Bela kay Aljur kung gusto ba nitong maging part ng pamilya nila (Padilla)? Ang sagot ni Aljur ay “Kung bibigyan ng pagkakataon.”
Sabi naman ni Ryza, nasa stage ng getting to know each other ang dalawa.
After Rich Asuncion, kay Kylie nali-link si Aljur at nagsimula ito nang bigyan niya ng birthday cake ang dalaga ni Robin Padilla sa birthday nito at nasundan ng date nila sa Starbucks Tomas Morato. May iba pang sightings sa dalawa na ’di namin isinulat at tiyak may magre-react.
- Latest
