Kaanyag nga manggiluy-on

CEBU, Philippines - Ang pagtinabangay maoy yawi aron makahatag og pahiyom ngadto sa atong isigkatawo. Mao kini ang prinsipyo sa bag-ohay lang nga napili nga Ms. JPIA –USJR 2011 nga si Regline Montelbon.

“Kung matagaan ko og tsansa nga makatukod og foundation, gusto nako nga open gyud kini ngadto sa mga bata,tiguwang or teens kay para nako way gipili nga edad kung gusto ta motabang sa atong isigkatawo. Kung motabang gani ta, malipay pud ang Kahitas-an sa atong gibuhat,” nagkanayon si Regline.

Alang niya nga normal lang gyud nga mag-atubang og nagkadaiyang problema ang usa ka tawo ug gikinahanglan nga atubangon kini sa sakto nga pamaagi aron makab-ot ang hustong solusyon.

“Ang mga pagsuway kay lumalabay ra, kung kontento ug nalipay ka sa usa ka butang, nagpasabot kana nga nagmalampuson ka. Ang success wala nagpasabot nga madato ka, naghisgot kini og unsa ka malipayon ang imong kinabuhi ug ang mga kaayohan nga nahatag nimo sa ubang tawo,” dugang pa niya.

Samtang gisaysay ni Regline dinhi sa Banat Hugyaw ang mga butang nga makapa-turn off niya sa usa ka lalaki.

Tsika pa niya nga dili siya ganahan og lalaki nga wala’y batasan kay tataw na kaayo nga dili siya kaaguwanta sa maong negatibong kinaiya.

Ang iyang manggiluy-ong kasingkasing maoy giisip niya nga “best asset” kay mao kini ang unang mabantayan sa mga tawong iyang makaila.

“Kung maayo man ka sa ubang tawo, makuha man gud nimo ang ilang respeto,” panapos pa niya. (Pasalamat ngadto sa JD Production ug kang Krisverino Rojas Borres)

Name:

Regline Montelbon

Nickname:

Regz

Age:

18

Date of Birth:

November 21, 1992

Nationality:

Filipino

Talent/s, Skill/s, Hobbies :

Acting, watching television etc.

Favorite song:  

Just The Way You Are

Favorite movie:

Twilight

Favorite TV station:

ABS-CBN

Celebrity Crush:

Enchong Dee

Height:

5'3

Present School:

University of San Jose Recoletos

Course and year level:

BSMA 3

Previous Titles: 

None

(BANAT NEWS)