Kim mag-negosyante

CEBU, Philippines - Tsika pa ni Kim Chiu nga ganahan siya mokuha og business course sa kolehiyo gumikan kay nagplano siya nga magtukod puhon og daghang negosyo. Matud pa sa aktres nga bisan sa ka-busy sa iyang showbiz career, tagaan gyud niya og oras ang edukasyon.

Dressing room gilagyo

Matud pa nga gilagyo na karon ang tagsa-tagsa ka dressing rooms nila ni Sarah Geronimo ug Cristine Reyes sa ASAP Rocks. Giingong gituyo kini aron dili kiwawan ang duha sa set sa nahisgutang programa.

Studio 23 mitigi

Gipaila karon sa Studio 23 ang bag-ong Tagalog newscast program nga “iba-BALITA Ngayon” nga dumalaon nila ni Tony Velasquez ug Lynda. Samtang gibalik usab si TJ Manotoc sa maong network pinaagi sa “Bilis Balita”. Mitumaw karon ang mga pagduda nga ang nahisgutang mga programa maoy gipangparang karon sa GMA News TV sanglit naa man usab kini sa free TV.

Miriam sa 700 Club

Si Miriam Quiambao maoy special guest sa holy week special sa CBN (Christian Broadcasting Network) 700 Club sa GMA-7 nga nag-ulohan og “Tanikala.”Samtang aktibo na usab siya karon sa mga kalihukan sa Bb. Pilipinas Charties Inc.

F.E.M mang-hugyaw sa Party Pilipinas

Makita sa programang Party Pilipinas karong udto ang grupong Far East Movement nga maoy   nagpasikat sa Like a G6, Rocketeer, Round Round ug Girls on the Dance Floor. Giatngan usab sa maong programa ang production number nila ni Dingdong Dantes, Janno Gibbs, Jaya, Heart Evangelista, Kyla, Rachelle Ann Go, Mark Bautista, JayR, Rhian Ramos, Bianca King, ug Iza Calzado. (Sanden J. Anadia)

Vina magminaldita

Kontrabida ang karakter ni Vina Morales sa seryeng gibidahan ni Melissa Ricks nga Nasaan Ka Elisa?. Suma pa ni Vina nga sukad sa pagsulod niya sa showbiz, una kini nga higayon midala siya isip kontrabida.

Bobby gitangtang sa Bagets

Giingong wala na giapil ang pangalan ni Bobby Andrews sa TV version sa Bagets nga makita na sa TV 5 karong Abril gumikan kay busy ang aktor sa taping sa Mara Clara sa ABS-CBN.

Panahon ang tirada

Ang bana ni Agot Isidro nga si Manu Sandejas maoy weather forecaster sa Aksyon Journalismo sa TV5.

Chris dunay bag-ong show

Aduna na’y final title ang GMA-7 sa bag-o nila nga programa nga dumalaon ni Chris Tiu, kini nag-ulohan og Man vs. Beast nga magsugod na karong Marso 28.

Ritz type mag-beauty queen

Gipangandoy sa fourth placer sa Star Factor nga si Ritz Azul nga makasalmot puhon og beauty pageant gumikan kay iyang giidolo ang beauty queen nga si Ruffa Gutierrez.

Alkris sa Panday 2

Malakip sila si Aljur Abrenica ug Kris Bernal sa pelikula ni Senator Bong Revilla Jr. nga “Panday 2”. Makauban usab nila si Phillip Salvador, Jackie Lou Blanco, Benjie Paras, Rhian Ramos, BJ Forbes, Sabrina Mann, Buboy Villar, ug Eddie Garcia.

Alma bag-ong presidente sa PCL

Si Alma Moreno maoy nakadaug isip Presidente sa Philippine Councilors League (PCL) sa piniliay nga gihimo sa Convention Center sa SM Mall of Asia sa miaging adlaw. Ikaduha na karon nga termino ni Alma isip konsehal sa Paranaque. Sa maong piniliay, nalangkat sa aktres nga si Maybelyn dela Cruz ang posisyon nga auditor.

EB nakadaug sa Calbayog

Nagmaya og maayo ang kinatibuk-ang puwersa sa Eat Bulaga sa dihang sila maoy napili nga best noontime game/variety show sa 2nd NWSSU Student’s Choice Award. Ang maong kalihukan gipasiugdahan sa mga tinun-an sa Northwest Samar University sa Calbayog City.

Mutya nahulga sa tsunami alert

Nahunong ang taping sa Mutya niadtong Biyernes human mipagawas og tsunami alert ang Philvocs sa pipila ka mga baybayon sa Pilipinas. Kahinumduman nga giigo og kusog nga linog ang Japan sa milabay nga adlaw hinungdan nga nag-atubang og dakong hulga sa tsunami ang mga silingang dapit niini.

Halaw giindorsar sa City Hall

Suportado sa kagamhanan sa siyudad sa Sugbo ang indie film nga “Halaw” nga giderek ni Sheron Dayoc. Suma pa ni Konsehal Lea Japson nga ilang gisuportahan ang maong pelikula gumikan kay nagpakita kini sa adbokasiya batok sa human trafficking.   

Complete…