Abogada pa naman, GF na foreigner ginawa lang bantay sa bahay ng aktor
Nag-i-email ang mga fans ng love team nina Angel Locsin at John Lloyd Cruz sa entertainment press para iparating ang request nilang bigyan ng pelikula ng Star Cinema ang tambalang unang napanood sa Imortal. Gusto nilang mapanood din ang dalawa sa big screen.
Kaya lang, hindi agad mapagbibigyan ang request nila dahil nabasa namin ang scoop tweet ni Mico del Rosario ng Star Cinema na muling gagawa ng pelikula sina John Lloyd at Bea Alonzo. Walang ibang detalyeng ibinigay si Mico maliban na si Olive Lamasan ang magdidirek ng balik-tambalan ng dalawa.
Sabagay, ginagawa pa ni Angel ang movie nila ni Aga Muhlach, malay natin after this sila na ni John Lloyd ang pagtambalin sa pelikula. Wait lang kayo mga ineng!
* * *
Nauna nang na-welcome ni Ruffa Gutierrez si Karel Marquez as the newest Royale Artists Management talent at may karapatan siyang i-welcome si Karel dahil siya pala ang vice president ng 
talent management ng nanay niya at siya rin ang nakaisip ng bagong name ng kanilang talent company.
“I don’t think I’ll be forever acting, gusto kong mag-produce na lang or help mom managed talents. Puwede ring mag-produce na lang ako, basta may trabaho dahil sa family namin, bawal ang tamad. Habang may acting offer pa at kung maganda naman, gaya ng Mga Babaeng Hampaslupa, tanggapin,” sabi ni Ruffa.
May gagawin ding movie si Ruffa sa Regal Entertainment, Inc. na Mother’s Day presentation pero wala pang detalye at binabasa pa lang niya ang script.
Also, sa March 24, launching ng ini-endorse niyang Belo Body Tite na Shanghai Chick ang theme.
* * *
Tama ba ang ginagawa ng aktor na ito na pigilang magtrabaho ang live-in GF at gustuhing sa bahay na lang ito mag-stay at alagaan siya? Lawyer pa naman ang nobya ng aktor pero hindi nagagamit ang pinag-aralan dahil nasa house lang siya.
Oo nga’t hindi puwedeng mag-practice ang girlfriend ng aktor dahil foreigner pero puwede naman siguro siyang magtrabaho sa embassy ng bansa nila. Kahit may pera ang aktor, iba pa rin kung may trabaho ang GF niya lalo’t hindi pa sila kasal.
Pero masaya sa ganung set-up ang mag-dyowa kaya ’wag na nating pakialaman at may malaking rason tiyak ang boyfriend kung bakit ayaw niyang magtrabaho ang live-in partner at pabayaan na lang siyang magtrabaho.
* * *
Malabo nang matupad ang plano ng Regal Entertaiment, Inc. sa start ng 2011 na 24 movies ang ipoprodyus this year dahil Marso na at wala pa silang nasisimulang pelikula. Narinig namin kay Solenn Heussaff na last week ng April pa ang scheduled shooting ng remake ng Temptation Island.
May movie rin si Ruffa Gutierrez at na-tweet ni Roselle Monteverde-Teo na ire-remake rin ng Regal ang Relasyon na unang pinagtambalan nina Batangas Gov. Vilma Santos at Batangas Board Member Christopher “Boyet” de Leon. Inaabangan na namin kung sino ang magbibida sa remake ng isa sa mga pinakamagandang movie nina Vilma at Boyet. Si Jun Lana ang writer ng remake ng Relasyon.
Nabalitaan din namin na sa October, magkakaroon ng mini-filmfest ang Regal ng five indie films. Malayo pa rin ito sa 24 movies na target nila, but at least patuloy pa rin silang nagpoprodyus.
Tuloy pa kaya ang Aswang na launching movie dapat ni Glaiza de Castro at ang Mahinhin vs. Mahinhin na pagsasamahan sana nina Ogie Alcasid at Dennis Trillo?
- Latest
