Ebidensiya sa pagkikita nina Pacman at Obama, hindi pa rin inilalabas ng White House

Seen : Binili ni Dingdong Dantes ang portrait ni Marian Rivera na kasali sa Vantage book launch at exhibit ng photographer na si Mark Nicdao.

Scene : Nangangarap si JC De Vera na magkaroon ng remake ang Baby Ama at siya ang bida. Ang Baby Ama ang pelikula na nagpasikat noon sa yumaong aktor na si Rudy Fernandez.

Seen : Hinihintay pa rin ng fans ni Congressman Manny Pacquiao ang paglabas ng litrato nila ni US President Barack Obama nang dumalaw siya sa White House noong nakaraang buwan. Hindi pa inire-release ng White House ang official photo.

 Scene : Nasira ang kredibilidad ni Giselle Sanchez  bilang entertainment writer dahil mga kapwa niya artista ang nagsasabi na hindi totoo ang kanyang mga isinulat tungkol sa love triangle nina Illac Diaz, Julia Clarete, at Angelica Jones.

 Seen : Blooming si KC Concepcion mula nang aminin nila ni Piolo Pascual ang kanilang relasyon.

Scene : Ayaw paniwalaan ng fans ni Nora Aunor ang balita na babalik siya sa Pilipinas hangga’t hindi nila nakikita ang aktres sa arrival area ng Ninoy Aquino International Airport.

Seen  : Nilalait ang mag-asawang Rachel at Nonito Donaire, Jr. sa kanilang Facebook accounts ng mga tao na nagagalit sa pang-aaway nila sa Filipino media.

 Scene : Masaya si Charice dahil nakapasok sa Top 10 ng American Idol si Thia Megia. Personal na magkakilala at magkaibigan sina Charice at Thia.