Phil ug Angel may eskandalo?
CEBU, Philippines - Live sa OkRyan sa dyRC 648kHz.,kagahapon ala 10:30 sa buntag ang psychic expert nga si Arman Cuban, kinsa maoy feng shui consultant ni Senator Manny Villar, Sharon Cuneta, Representative Gloria Macapagal Arroyo ug daghan pa nga inilang personalidad sa katilingban.
Atol sa usa ka oras ug tunga nga programa, gitubag ni Cuban ang labihan ka daghan nga mga pangutana sa mga tigpaminaw sa OkRyan gikan sa Kabisay-an ug Mindanao nga nagpakisayod kabahin sa ilang kapalaran.
Dungan niini, gitubag pud niya ang mga pangutana kabahin sa mga artista nga naglakip nila ni:
Judy Ann Santos—musikat pagbalik pinaagi sa reality show nga Junior Chef, pero kung si Ryan Agoncillo maoy pabut-on dili na matud pa kini ganahan nga mag-showbiz pa ang iyang asawa. Swerte matud pa sa magtiayon ang ilang anak.
Claudine Barreto—nagplano nga mubalhin sa TV5, musikat og balik pinaagi niini.
Kris Aquino—dili matud pa magdugay ang The Price Is Right show niini sa ABS-CBN. Makauyab siya karong tuiga, pero gubot gihapon—walay klaro ang relasyon. Kutob na lang gyud sa panaghigalaay sila si James Yap.
Sarah Geronimo—Musikat gihapon karong tuiga, pero dakong sagabal ang iyang inahan.
Jovit Baldivino—may umaabot nga intriga kabahin sa iyang pamilya, daghang nasuya nila didto sa Batangas. Musikat gihapon.
Gerald Anderson—dili blockbuster ang movie with Sarah Geronimo under Star Cinema. Dili hinuon mu-flop.
Happy Yipee Yehey—Di magdugay, dili happy ang rating. Dili maabtan og usa ka tuig kay kutob ra matud pa sa September 2011. Mag-number one matud pa ang Willing Willie TV5 sa primetime. Dili gihapon mabangbang ang Eat Bulaga sa noontime.
Phil Younghusband/ Angel Locsin
Dili pa sugton ni Angel si Phil. Dunay eskandalo nga mahitabo tali nila nga mosampot sa pagpasaka og kaso.
John Lloyd Cruz
Makapamabdos og laing babaye. Away-bati ang ilang relasyon ni Shaina, makapamabdos si Loydie og laing babaye karong tuiga. Mulungtad pa hangtud 2020 ang iyang kasikat.
Marian Rivera
Magpakasal sila ni Dingdong Dantes sa 2013, kinahanglan nga maghinayhinay sa pagka-taray aron dili mahagba sa dayon ang career. Sikat gihapon siya karong tuiga.
- Latest
