Sexbomb

June pa walay kontrata sa EB

CEBU, Philippines - Giklaro ni SexBomb Girls manager Joy Cancio nga guesting lang ang paglugwa sa nahisgutang all-girl dance group sa noontime show sa ABS-CBN, ang Happy, Yipee, Yehey!, kagahapon.

“Guesting lang po. Wala rin naman pong problema sa Eat Bulaga! dahil tinanggal na rin naman po sila roon,” nagkanayon siya sa PEP (Philippine Entertainment Portal) sa interview pinaagi sa cell phone niadtong Biyernes sa hapon.

Suma pa niya, duha ka adlaw human ang pilot episode sa Happy Yipee niadtong February 12, gitawgan na siya ni Malou Choa Fagar, TAPE Inc. executive ug gipahibawo nga tangtangon na ang Sexbomb sa EB gumikan kay dunay “conflict of interest.”

Kini gumikan kay si Cancio maoy head choreographer sa Happy Yipee nga karibal sa EB.

“Di po ba, kasi pag sinabing conflict of interest, baka mamaya, maging... lumabas akong spy, di ba? Maikuwento ko sa Eat Bulaga! yung nangyayari sa Happy Yipee..., as well as dito rin. Parang gano’n ang intindi ko, e,” nagkanayon siya ngadto sa PEP.

Giklaro niya nga nakasabot siya sa baruganan ni Fagar, pero sa samang higayon naguol pud siya tungod kay dugay na kaayo sila sa EB.

“Na-explain naman pong mabuti ni Ma’am Malou yung magiging conflict, parang ganun. Nakakalungkot lang po kasi siyempre ang tagal na namin sa Eat Bulaga!, matagal na yung Sex Bomb sa Eat Bulaga!. Tapos, ako lang yung naghahanap ng trabaho, pati yung SexBomb, nawalan ng trabaho,” niya pa.

Giklaro pud niya nga gidawat niya ang tanyag sa Happy Yipee, tungod kay July sa milabay nga tuig pa siya walay trabaho gikan sa Eat Bulaga o sa TAPE Inc., ug duna siyay pamilya nga gisuportahan.

Wala na pud matud pa gi-renew sa TAPE Inc. ang Sexbomb human nahuman ang unom ka buwan nga kontrata niini sa EB niadtong Hunyo sa milabay nga tuig.

Christian ug Bruno nagkaabot

Nakaila-ila na ni Christian Bautista sa personal ang international singer nga si Bruno Mars.Nahitabo kini sa dihang dunay gipalit si Christian sa Louis Vuitton store didto sa France .Ang duha ka singers maoy nagtigi karon sa Most Downloaded ring tunes sa Indonesia.Nag-una ang awit ni Christian nga Beautiful Girl nga gisundan usab sa The Way You Are ni Bruno.

Paquito sa Walk of Fame

Nagplano German ‘Kuya Germs” Moreno nga ibutang ang pangalan sa mipanaw nga actor nga si Paquito Diaz sa Walk of Fame Philippines. Suma pa nga dako og natampo si Paquito sa industriya sa pelikula sulod na sa pipila ka mga katuigan.

Thia lig-ong finalist

Gibutang sa ikaunom nga puwesto sa showbiz website nga ew.com ang garbo sa Pinoy nga si Thia Megia tali sa Top 13 American Idol finalists.You’ve got to give Idol’s youngest-ever contestant some credit for her sense of drama, starting out a cappella like that. It still doesn’t help shake the feeling that she’s a girl trying too hard to play all grown up,” usa ka mensahe nga namantala sa ew.com.

Showbiz nagbangotan

Dalhon na karong adlawa ang patay’ng lawas ni Paquito Diaz sa Funeraria Paz Manila Memorial Park sa Quezon City. Gipaabot nga modagsa pag-ayo ang mga artista sa haya ni Paquito kinsa nagbangotan pag-ayo sa kamatayon sa actor kinsa giisip nga usa sa mga haligi sa showbiz industry.Nasayran nga kanunay nga malakip si Paquito sa mga action movies kaniadto ug kanunay niya nga makauban sa usa ka proyekto si anhing Fernando Poe Jr.

Gwyneth makauban ni Charice

Gitaho sa ew.com nga matud pa mobalik ang international singing sensation nga si Charice Pempengco sa sikat nga music series didto sa Amerika nga”Glee”.Dalhon gihapon niya ang papel nga Sunshine Corazon ug makauban niya sa maong episode ang singer nga nagpasikat sa awit nga Crusin nga si Gwyneth Paltrow.

Lady Gaga gipalagpot ni J.LO!

Gipalagpot ni Jennifer Lopez si Lady Gaga gikan sa labing unang pwesto sa iTunes sulod sa tulo ka semana nga pagpanghawod pinaagi sa awit nga, “Born This Way.” Ang kanta ni J.LO ‘On the Floor (Ft. Pitbull)’ maoy milangkat kang Lady Gaga gikan sa labing unang pwesto. Ang tsika mao nga sa milabay nga semana, number two ang maong awit ni J.LO apan nagkaubos ang halin niini. Pero dihang gipagawas ang music video sa maong awit sa American Idol diin usa sa mga judges ang singer, diretso kini nga misulbong sa labing taas nga pwesto.

Bag-ong segment

Dunay bag-ong segment ang ASAP Rocks nga ilusad karong udto. Kini mao ang ASAP Acoustic Republic!

Phil follower na ni Angelica

Follower na ni Angelica Panganiban si Phil Younghusband sa Twitter. Kini nahitabo, usa ka adlaw human sa tweet ni Angelica kabahin sa pag-question niya sa   gikatahong pelikula ni Phil. Nasayran nga may indie film si Phil nga gihimo sa milabay nga tuig, kabahin sa iyang adbokasiya sa football. Hinuon, cameo lang siya sa maong pelikula.

Complete…