Pinay pasok sa final 10 ng American Idol

SEEN : Nalagay sa alanganin ang imahe ni Divine Geronimo dahil wala sa lugar ang paghihigpit niya sa anak na si Sarah. Hihintayin natin kung may magagawa ang fan na si Anna Dasig para mawala ang pagkanega ni Divine. Si Anna ang fan na close sa pamilya Geronimo na nagsangkot kina Judy Ann Santos at Sharon Cuneta sa personal na problema nina Sarah at Rayver Cruz.

SCENE : May mga nagbebenta sa halagang P9,000 ang VIP tickets ng May 10 concert ni Justin Bieber sa Mall of Asia Concert Grounds.

SEEN : Kasali sa Final 10 ng American Idol ang 15-year old Fil-Am contestant na si Thia Megia. Pinuri ng American Idol judges ang pagkanta ni Thia ng Out Here On My Own.

SCENE : Matitigil na ang mga tsismis na lilipat sa ibang television network si Piolo Pascual dahil nag-renew siya ng exclusive contract sa ABS-CBN noong Huwebes.

SEEN : Sagad sa buto ang pambabastos kay Angelica Panganiban sa Twitter ng isang tao na nagtatago sa alias na Anil Morales. May mga sapat na ebidensiya si Angelica para magdemanda.

SCENE : Dinumog kahapon ang audition ng Pinoy Big Brother sa Mall of Asia. Naglabas ng advisory ang ABS-CBN na magkakaroon sila ng another audition day dahil sa rami ng mga tao na nagpunta kahapon sa MOA.

SEEN : Pangalan ng mga bulaklak ang mga pangalan ng mga bidang babae sa Mga Nagbabagang Bulaklak, ang drama series ng TV5.