Dili magpakabuang sa gugma

CEBU, Philippines - Pamilya ug career gyud nila ang labing importante, busa nauyonan matud pa nila ni Melai Cantiveros ug Jason Francisco nga dili magpalabi sa ilang gibati nga gugma aron dili sila madaot. Suma pa ni Melai ngadto kang Vinia Vivar, kolumista sa Pang-Masa karon pa lang nagsugod ang ilang career pinaagi sa solo serye nga gihatag sa ABS-CBN ngadto nila, ang Mana Po, busa dili gyud matud pa sila magpakabuang sa gugma.

Derek driver ni Kim

Ambulance driver nga mahigugma kang Kim Chiu ang role ni Derek Ramsay sa Your Song episode karong Domingo sa hapon. Ikaduha na kini nila nga panag-uban, ang una mao ang pelikula nga “I Love You Goodbye” ubos sa Star Cinema niadtong 2009.

Jake sige pa’g pa pogi points

Wala magdali si Jake Cuenca nga magkauban sila og laag ni Melissa Ricks sa gawas sa nasud sama nila ni Angelica Panganiban ug Derek Ramsay. Suma pa niya ngadto kang Vinia Vivar, kolumnista sa Pang-Masa nga iya pang gipamatud-an ngadto sa mga ginikanan ni Melissa, ug aron tugtan sila nga mubakasyon abroad, mas dako nga pagsalig ang iyang gikinahanglan. Wala pud matud pa sila magdali nga makalarga abroad.

Piolo mIpirma na sa ABS-CBN

Pwes, mahunong na gyud ang tanang taho nga matud pa mubalhin si Piolo Pascual og laing network. Kini tungod kay mipirma og kontrata sa ABS-CBN ang actor kagahapon sa hapon. Duha ka tuig ang bag-ong kontrata nga gipirmahan ni Piolo.

Gerald nangandam na

Nangandam na sa iyang kaugalingon si Gerald Anderson sa posibilidad nga intrigahon puhon ang kasuod nila karon ni Sarah Geronimo.

Enchong dunay gidiskartehan

Usa ka Kapamilya actress ang hinungdan kung nganong blooming karon si Enchong Dee apan nagdumili ang aktor sa pagbutyag sa pangalan niini.

Randy mitin-aw sa isyu

Gihimakak ni Randy Santiago ang report nga matud pa buwag na ang iyang igsuon nga si Raymart Santiago ug ang kapikas niini nga si Claudine Barretto. Suma pa ni Randy nga saksi siya sa malipayong pagpuyo sa magtiayon.

Basil duna pa’y ikaboga

Subling mag-record og bag-ong album ang bag-ong talent sa Viva Artists Agency (VAA) nga nailhan usab isip ang legendary balladeer nga si Basil Valdez.

Sweet mipirma sa Viva

Mipirma na og two-picture non-exclusive contract si John Sweet Lapus sa Viva Films niadtong Miyerkules.