Ig-agaw ni Georgina Kapuso na
CEBU, Philippines - Umaabot na nga Kapuso ang anak ni kanhi Miss Universe Gloria Diaz nga si Isabelle Daza. Suma pa sa PEP gitakda nga mupirma og tulo ka tuig nga kontrata si Isabelle sa GMA-7 karong March 8. Si Isabelle, ig-agaw ni Georgina Wilson nga hurado karon sa Showtime sa ABS-CBN. Barkada pud sila si Isabelle ug Solenn Heussaff nga Kapuso star na pud karon.
Roxanne out na sa Bb. Pilipinas pageant
Hingpit na gyud nga mi-resign isip Bb. Pilipinas 2011 candidate ang pambato sa Sugbo unta nga si Roxanne Manuella Acosta Cabanero, gikan sa nahisgutang indigay sa kaanyag.
Ang Venus Raj look-alike ug residente sa Talisay, City sa telephone interview sa OkRyan sa dyRC 648 kHz., kagahapon sa alas 10:30 sa buntag nagkanayon nga mi-resign na lang siya aron panalipdan usab ang kadungganan sa nahisgutang beauty pageant.
“Dili ko gusto i-resign akong pagka kandidata, but with the pressure now because of the controversy, and to protect my family and the pageant, mi-resign na lang ko,” pagklaro niya.
Suma pa niya nga iyang prayoridad karon mao ang pagpangita og hustisya sa iyang gidangatan pinaagi sa pag-ila niadtong responsabli sa pagpakatap og “nude photos” nga giingong iyaha.
Kahinumduman nga namantala kagahapon dinhi sa Banat News Hugyaw nga hugtanong gihimakak ni Roxanne ang maong nude photos, ug andam kini niyang pamatud-an ngadto kang bisan kinsa.
Suma pa niya sa OkRyan kagahapon nga gipasalamatan siya sa BPCI ug gipasaligan nga mamahimo siyang musalmot sa maong pageant sa higayon nga malimpyohan na niya ang iyang ngalan.
Nasayran nga ang porn site diin unang migawas ang nude photos, miila sa babaye nga si “Raina” nga taga Thailand.
Samtang ang BPCI mipagawas na og pamahayag kabahin sa kontrobersiya pinaagi sa TV Patrol niadtong Miyerkules sa gabii, human usab nagpakitabang si Roxanne sa National Bureau of Investigation.
Ang BPCI nagkanayon:
“Binibining Pilipinas is governed by stringent rules and policies that are acceptable internationally. We strive to be very thorough in our screening but when violations or misinterpretations albeit deliberate or not unravel, we call the candidates’ attention to the matter. BPCI is apparently averse in further discussing the matter. We are hoping that all speculations regarding this incident will cease as BPCI is not inclined to delve into the issue any further in order to preserve the integrity of the pageant and the reputation of the concerned parties.”
- Latest
