Aktres nasa rehab daw!
Nahilo ang talent manager nang makatanggap siya ng bonggang-bonggang birthday gift mula sa kanyang alagang aktor.
Hold your breath mga kapatid – P 1 milyon lang naman ang iniregalo ng actor-TV host sa kanyang manager na nakasama naman niya sa hirap at ginhawa sa maraming taon na. Mula’t sapul, ang nasabing manager na ang humawak ng career ng TV host at talagang hindi siya nito iniwanan kahit sa pinaka-subsob na bahagi ng kanyang career, showbiz at pulitika.
“Napaiyak talaga ako. Hindi ko ini-expect na bibigyan niya ako ng P1 million,” say ng talent manager.
Pang-down payment sa bibilhing brand new house ng TM ang nasabing halaga.
Nasa sobre raw ang tseke nang iabot sa kanya sa salubong party para sa birthday ng TM the other night.
Partida pa na walang TV show ngayon ang TV host–actor pero guaranteed naman ang contract niya sa isang network kaya afford siyang magbigay ng ganung regalo.
* * *
Nasaan ba talaga ang isang aktres at kung anu-ano nang malisyosong balita ang lumalabas tungkol sa kanya? Isang kaibigan ang nagkuwento na may nagbalita raw sa kanyang nasa rehab ang aktres. Kung ano ang ipinagagamot ay nabanggit pa ng kaibigang bakla pero ‘wag ko raw munang ikuwento dahil hindi rin niya ma-verify kung totoo ito dahil wala siyang mahagilap na konek sa aktres.
Malapit na raw siyang maniwala dahil consistent ang kuwento tungkol sa aktres.
Asan nga ba si actress na may asawa at hindi ngayon mahagilap. Dapat siyang magpakita bago pa lumalala ang maraming kuwentong nakakaloka tungkol sa kanya.
* * *
Sus ang mga taga-hospital kung saan daw naka-confine ang aktor na si Paquito Diaz ang nag-deklara na namatay na ang aktor noong isang araw. Naikuwento na raw ang nangyari bago pa nila nadiskubre na hindi pala ito totoo.
Maraming nakuryente sa nasabing balita dahil mabilis kumalat sa text messages.
* * *
“Puwede namang ituon na lamang niya ang kanyang oras sa pag-aartista at humarap buong araw sa kamera, pero nandito siya, kasama natin ngayon, piniling makiisa sa pagsupil sa kahirapan.
“Dahil dito, pinaabot ko ang taos-pusong pasasalamat sa ating kaibigang si Dingdong Dantes at sa masisipag na kabataang nagtatag ng YesPinoy Foundation sa kanilang ginagampanang mahalagang papel sa ating lipunan,” sabi ng Pangulong Noynoy Aquino nang dumalo sa launching ng programang Para Paaralan ng Yes Foundation sa NBC Tent noong Linggo ng gabi.
Actually, nag-imbita ang grupo ng YesPinoy sa nasabing fund raising event na limang libo ang isang dinner plate.
- Latest
