XLR8, Pop-G , and RPM hahataw sa P-Pop Explosion

MANILA, Philippines -  Ilang dekadang naghahatid ng galing at saya ang Viva Concerts & Events sa stage sa pagsuporta sa Original Pinoy Music (OPM).  Muli, isa na namang hindi malilimutang performance na tunog Pinoy Pop (P-Pop) ang handog ng produksiyon para sa P-Pop generation. 

Tatlo sa pinaka-fresh na grupo ang magsasama para iangat ang OPM. Ang XLR8, Pop-Girls, at RPM ay magko-concert sa April 1 sa P-Pop Explosion sa Aliw Theatre (8:00 p.m.).

Hindi lang powerful vocals ang maririnig dahil kilala ang grupo sa pagbibigay ng mga high-energy dance moves. Walang hindi mapapasayaw sa mga hit singles nilang Dance With Me, Crazy Crazy, You’re So Hot, at Sige Sayaw at walang hindi mai-in love sa mga romantic songs na Kapag Tumibok ang Puso and I Love You Girl.

Ang P-Pop Explosion ay handog din ng MyPhone at Mang Inasal sa pakikipagtulungan ng Channel V.

Makukuha ang tiket sa SM Tickets (470-2222) at Ticketworld (891-9999). Maaari ring tumawag sa Viva Concerts & Events sa 687-7236 para sa iba pang detalye.