'Di tuloy nagri-rate show ni Kris tahimik na nag-umpisa!

Seen : Sina Marian Rivera at Dingdong Dantes sa Lacocina de Tita Moning noong Valentine’s Day. Ang Lacocina de Tita Moning ang restaurant sa Malacanang Palace compound.

Scene : Mababa ang level of awareness ng mga tao sa nagsimulang programa ni Kris Aquino sa ABS-CBN na The Price Is Right. Hindi ito sumisipa sa rating.

Seen : Ang paglilinaw at pagtanggi ni Senator Jinggoy Estrada sa paratang na personal na paghihiganti kay former General Angelo Reyes ang mga pagtatanong niya sa senate investigation tungkol sa plea bargain case ni ex- AFP Comptroller General Carlos Garcia.

Scene : Walang binatbat sa acting ni Rio Locsin sa Machete ang young cast ng programa. 

Seen : Ang balita na hindi na mapapanood sa Eat Bulaga ang Sexbomb dahil choreographer ng Happy Yipee Yehey ang kanilang manager na si Joy Cancio.Magkatapat ang timeslot ng Eat Bulaga at Happy, Yipee, Yehey.

Scene : Si Susan Africa sa Babaeng Hampaslupa at Green Rose. Nagpapang-abot ang timeslot ng mga programa ng TV5 at ABS-CBN.

Seen : Lumalakas ang mga ebidensiya na hawak ng mga imbestigador na may kinalaman sa pagpatay kay Rejoice Rivera ng Baywalk Bodies si Raymond Dominguez, ang suspect sa mga carnapping sa Metro Manila.

Scene : El Presidente ang pamagat ng pelikula ni Laguna Governor ER Ejercito. Si ER ang bida ng pelikula.