Toni wala nang oras sa BF

Muling magsasama sa isang pelikula sina Toni Gonzaga at Eugene Domingo.

Isang comedy film ang niluluto ng Star Cinema ngayon para sa dalawa.

Huling nagkasama sina Toni at Eugene sa movie hit na You Are The One.

Sobrang excited na nina Toni at Eugene for their movie project. “Alam ko kung gaano kahusay si Ate Uge. I’m really excited na marami akong matututunan sa kanya,” bungad ni Toni.

“Nakakatuwa na after ilang years, magkakasama ulit kami ni Toni. Toni Gonzaga, isa sa hinahangaan natin na ang daming kayang gawin at alam mong napakasayang tao. Really looking forward to working with her, being with her,” pahayag naman ni Eugene.

Makakasama rin nina Toni at Eugene si Wendell Ramos bilang leading man ni Uge sa pelikula. “I’m excited and honored na of course after so many years, nag-work ako sa Star Cinema like ‘yung Sukob and then eto na naman,” maikling pahayag ni Wendell.

Looking forward na ngayon pa lang si Joey Reyes na siyang magdidirek ng nasabing project. “I’m having really good vibes that this film is going to be a lot of fun at ang masaya niyan is kahit ang tagal na katrabaho ko si Uge, this is the first time na makaka-trabaho ko si Toni Gonzaga,” kuwento ni Direk Joey.

Sobrang busy ngayon ni Toni sa telebisyon dahil mula Lunes hanggang Sabado ay mayroon siyang Happy, Yipee, Yehey, ASAP, at The Buzz naman tuwing Linggo.

Ano kaya ang reaksiyon ng kanyang boyfriend na si Direk Paul Soriano sa kanyang pagiging busy sa telebisyon? “Oh! No more time talaga, no more time for me. Hindi…masaya ‘yun. Alam niya na ito ang gusto kong ginagawa. He’s happy and supportive,” paliwanag pa ni Toni.

SCQ Grand Kiddie Superstars, makikilala na!

Bukas ay magaganap na ang pinaka-aaba­ngang Star Circle Quest For The Next Kiddie Superstars grand questors’ night.

Kasama sa magic circle of 6 sina Brenna, Veyda, Maurice, Clarence, Jelo, at Kristoff.

Lahat sila ay handa nang itodo ang pagpapakitang gilas. Matapos patunayan ang kanilang galing at karisma pagdating sa comedy at drama, ngayon naman ay handang-handa na silang pahangain ang lahat sa kanilang pambatong talent. Sino kaya sa anim na kiddie questors ang magsa-shine sa lahat?

Maraming kaabang-abang na production num­bers ang inihanda ng nasabing programa kaya dapat itong pakatutukan.

Kilalanin kung sino ang tatanghaling bagong boy at girl kiddie superstars ng bayan, sa pinakamalaki at pinakasikat na kid talent search sa bansa, ang Star Circle Quest, The Grand Kiddie Questors night bukas pagkatapos ng Maalaala Mo Kaya, 8:45 ng gabi. Reports from JAMES C. CANTOS