Kim gibatig tumang kaanyag

CEBU, Philippines - Nagkaistorya na sila si Kim Chiu ug Simon Atkins sa telepono niadtong milabay nga gabii, pero naggumikan kini sa usa ka higala sa basketbolista nga maoy nagpaila-ila nilang duha sa telepono.

Pero matud ni Kim nga sa wala pa migawas matud pa ang tweet ni Simon nga ganahan siya makig-ilaila sa young actress, wa gyud siya makaila sa maong basketbolista.

Human niadto, nag-research na siya kabahin ni Atkins pinaagi sa google, ug duna na siyay impormasyon kabahin niini.

Pero dihang gipangutana kun andam ba siya nga makig-date kang Atkins nga maoy kagustuhan niini, dili pa sigurado si Kim.

Hinuon, gibati gyud siya og kaanyag tungod kay dunay basketbolista nga naka-like niya.

Si Atkins basketball varsity gikan sa Dela Salle University, ug giingong mipadayag sa iyang kagustuhan nga mahimamat si Kim, usa ka adlaw human mipadayag si Phil Younghusband sa iyang intension nga makig-date kang Angel Locsin, pinaagi sa Twitter.

Sama kang Phil endorser pud si Atkins og men’s underwear.

AlKris banhawon sa Machete

Musulod sa"Machete" si Kris Bernal isip labing bag-ong babaye ni Machete. Sa Marso ra kutob ang maong teleserye, ug hulipan kini sa Captain Barbell ni Richard Gutierrez.

Dughan ni Heart dili ipakita

Gibalibaran ni Heart Evangelista ang "Temptation Island" tungod sa eksena nga kamot ra niya ang itabon sa iyang dughan. Matud ni Heart dili siya makahimo niini nga eksena, dili siya kumportabli.

Game show ni Eugene

 "Lucky Number" ang title sa umaabot nga game show ni Eugene Domingo sa TV5. Franchise ang game show gikan sa UK ug first live game show kini ni Eugene sa TV5.

Gelli bag-ong kontrabida ni Marian

Si Gelli de Belen ang kontrabida ni Marian Rivera sa "Ang Spooky Mo Presents Bampirella," ang bag-ong horror-comedy series sa GMA-7.

Marvin putlanan og ulo

Si Marvin Agustin maoy bida sa umaabot nga pelikula nga paga-ulohan og “Patikul” ug ubos unya sa direksyon ni Joel Lamangan. Kabahin kini sa magtutudlo nga gilunggoan og ulo didto sa Sulu. Makauban niya sila si Dimples Romana, Glaiza de Castro ug Allen Dizon.

Aiko single na pud

Mismong ang talent manager nga si Boy Abunda ang mitino nga buwag na si Aiko Melendez sa iyang uyab nga politico nga si Patrick Meneses. Si Aiko mismo ang nanawag sa iyang manager nga si Boy kabahin niini, pero wala na lang mangutana ang TV host sa rason sa break-up.

Marian nakakita nag pares

Kumpirmado nga ang model nga si Mikael Daez maoy usa sa mga leading men ni Marian Rivera alang sa epicserye nga Amaya. Si Mikael pud ang pares ni Marian sa horror-comedy series nga "Bampirella." Sakop si Mikael sa Mercator Models ni Jonas Gaffud.

Phil ug Angel nag-date gyud

Tinuod ang migawas nga balita nga nag-date na gyud sila si Phil Younghusband ug Angel Locsin sa milabay nga weekend. Nahitabo kini sa usa ka firing range. Dunay miingon nga Sabado kini nahitabo, ug may miingon pud nga Domingo.

Borgy lingaw kaayo ni Ryan

Lingaw matud pa kaayo si Borgy Manotoc kang Ryan Bang. Kini maoy tsika mismo ni Georgina Wilson, kinsa miingon nga magsige og katawa iyang uyab basta makakita sa Koreano sa Showtime. Parehong mga hurado sa Showtime sila si Ryan ug Georgina.

Jed dismayado sa Wangwang

Dismayado si Jed Madela tungod kay may nasundan siya nga sakyanan kagahapon nga nagpunay og wangwang. Red plate matud pa ang gigamit sa nahisgutang sakyanan, buot pasabot government official ang sakay niini.

Birthday dance ni Anne

Gipangandaman gyud ni Anne Curtis ang iyang dance number sa Showtime karong adlawa. Birthday ni Anne karong adlawa. Twenty-six years old na siya.

Mocha bida sa Fil-Malaysian movie

Dunay umaabot nga pelikula si Mocha Unson nga co-production venture tali sa usa ka Malaysian ug Filipino film outfits. May title nga,   “Crazy Idiots” ug subtitle, nga “Seksing Masahista,” ang manghod sa banggiitang director Celso Ad Castillo, nga si John Castillo maoy director niini. (BANAT NEWS)