Young actress basted sa kaparehang guwapong aktor
Sorry na lang ang young actress na pina-project ang guwapong actor na kasama niya sa isang soap dahil very much on pa rin sila ng kanyang actress-GF. Open ang young actress na type niya ang kapareha at hindi naniniwalang may gf ito at ang alam ay break na ang aktor sa nobya.
Tinawagan ng isang kaibigan ang GF ng actor para itanong ang totoong estado nila ng actor at malinaw ang sagot nitong sila pa rin ng actor at never silang nag-break kahit noong time na nali-link ang BF sa ka-love team.
Kaya ayun, kahit anong pagpapa-cute ang gawin ng young actress, dedma ang actor dahil may nobya siya at solid pa rin ang kanilang relasyon. In fact, madalas makitang magkasama ang actor at ang GF nitong mga nagdaang araw.
Mikee Cojuangco pinalitan si Claudine
Kasama na si Mikee Cojuangco sa cast ng Magic Palayok, siya ang pumalit kay Claudine Barretto at gaganap na ina ni Angeli Nicole Sanoy. Ngayon lang yata uli ito magkakaroon ng regular TV show at ibig sabihin, handa sa puyatan.
Balik-tambalan dito sina Carla Abellana at Geoff Eigenmann at kasama rin sina Cherie Gil, Chynna Ortaleza, Manilyn Reynes, at iba pa. Bukas, February 9, ang first taping day ng fantaserye sa direction ni Joel Lamangan.
Jillian sinabayan ng lutu-lutuan ang presscon
‘Kaloka si Jillian Ward dahil habang nagpi-presscon ang My Valentine Girls, kung saan siya kasama, naglalaro ng lutu-lutuan. Ang petals ng rose na decoration sa table kung saan pumuwesto ang cast ang pinaglaruan.
Itsinika rin nito ang baby sister niyang si Jenel Annika na hindi pa niya makarga dahil malambot pa raw. Love na love raw niya ang kapatid at looking forward na makarga na niya ito.
Nag-thank you ito kay Richard Gutierrez dahil pinuri ang galing niyang mag-dubbing gayung hindi pa siya marunong magbasa. Binasa sa kanya, pinakinggan at itinuro sa kanya kung paano ang tamang delivery ng kanyang lines.
Extended na naman…
Sobrang tuwa tiyak ang mga bagets ng Reel Love Presents…Tween Hearts dahil sa balitang extended ang Sunday series ng mga bata until October.
Kundi kami nagkakamali, pang-apat na extension na ito ng Tween Hearts na originally, hanggang eight weeks lang.
Solenn hindi halatang may nerbiyos
Solenn Heussaff Day ang Party Pilipinas last Sunday sa rami ng production number nito. Pinaka-hot ang dalaga sa I Love Rock n’ Roll number at pati female viewers, nagka-crush sa kanya.
Kay Solenn din ipinakanta ang theme song ng My Valentine Girls na Suddenly It’s Magic dahil absent si Lovi Poe at na-confine sa St. Luke’s Global City that day at ngayong araw pa lang lalabas.
Hindi halata, pero sabi ng manager ni Solenn na si Leo Dominguez, sobrang nenerbiyos ang dalaga dahil hindi masyadong kabisado ang kanta.
- Latest
