Peta ginamit si Janet Jackson

SEEN : Laos ang protest rally ng PETA laban kay Janet Jackson sa harap ng PICC noong Biyernes. Luma na ang fur coat ad ni Janet na inirereklamo ng PETA.

Nagamit ng PETA si Janet upang magkaroon sila ng libreng TV coverage at publicity.

SCENE : Humanga sa Filipino audience ang team ni Janet Jackson dahil memoryado nila ang lyrics ng lahat ng kanta ni Janet.

SEEN : Boring na TV host si Rico J. Puno. Luma at nakaka-offend ang kanyang mga green jokes na siya lamang ang nakaka-appreciate.

SCENE : Sina Pokwang, KC Concepcion, at Kim Chiu ang mga ABS-CBN stars na nanood ng concert ni Janet Jackson sa PICC.

Ang GMA 7 ang media partner ng Janet Jackson concert.

SEEN : Naabsuwelto sa mga demanda ni Jennylyn Mercado ang kanyang road manager na si Mel Pulmano.

Nakakulong pa rin si Mel sa Camp Karingal dahil sa dalawang pending cases.

SCENE : Walang improvement si Alyssa Alano bilang co-host ng Startalk.

SEEN : Nagsimula kahapon ang taping ng The Price is Right, ang game show ni Kris Aquino sa ABS-CBN na mag-uumpisa sa kanyang 40th birthday sa Feb. 14.

SCENE : Life story ni Charice ang concept ng Home for Valentine’s, ang Valentine special niya sa GMA 7 na mapapanood sa Feb. 13.