Pagbibida naudlot Jackie Rice 'di matutong lumangoy
Ngayong Sabado na ang simula ng taping ni Kris Aquino ng Price Is Right pero ayaw pang ipaalam ang airing schedule dahil nagkaroon nang pagbabago. Hindi na yata ito malalagay sa 1 p.m. slot dahil may noontime show ang ABS-CBN.
Anyway, ibinalita ni Kris na kasama niya sa taping ng pilot episode ng Price Is Right ang winners sa The Amazine Race na sina Richard Herrera at Richard Hardin. “They are joining me to do on cam product description ‘come on down’ voicing,” say ni Kris.
* * *
Sa latest presscon ng My Valentine Girls, nabanggit ni Richard Gutierrez ang sobrang tuwa sa birthday gift sa kanya ni Solenn Heussaff, isa sa mga leading ladies niya sa BBFF episode nang nasabing pelikula.
“Talagang natuwa ako sa nice and sweet gesture niya. Kaya pala ayaw niyang lumabas ng bahay kahit niyayaya namin dahil tinatapos ang painting. Sariling design niya ’yun at nalaman kong 10 to 12 hours niyang ginagawa sa isang araw. May gift na ako kay Solenn sa Valentine’s Day, kaya lang, parang mahirap pantayan ang gift niya sa akin. Mag-iisip ako ng ibang gift,” sabi ni Richard.
Natawa si Richard sa binanggit ng press na nasasanay siya sa maraming leading ladies dahil pati sa Captain Barbell na end ng March na ang airing, marami rin siyang makakapareha at hindi niya alam kung sino talaga ang leading lady niya. Ang tao na lang ang magde-decide, sabi ni Chard, at wish nitong magustuhan ang bagong TV series niya kasama pa rin si Jillian Ward.
Rated G o General Patronage ang My Valentine Girls, kaya tuwang-tuwa si Richard pati ang apat na kapareha at Regal Films at GMA Films dahil mas maraming makakapanood kahit may longest kissing scene with Solenn at sensual kissing scene kay Lovi Poe.
* * *
Hindi na pala muna gagawin ng GMA 7 ang Sisid na ipapalit sana sa Koreana dahil hindi pa masyadong marunong mag-swimming ang bidang si Jackie Rice. Ang soap na may tentative title na Moral ang ipapalit sa Sisid na siguro, si Maryo J. delos Reyes pa rin ang direktor.
Si Nadine Samonte pa lang ang tiyak naming nasa cast ng Moral dahil hindi pa tiyak ang aktres na kinukuha para rito dahil may naunang tinanggap na commitment na ’di puwedeng talikuran.
Inalis si Nadine sa Magic Palayok para ilagay sa Moral na dapat na ring simulan dahil malapit na malapit nang magtapos ang Koreana. Siguro naman, ilalagay din sina JC Tiuseco, Ian Batherson, at Dominic Roco na nasa cast ng Sisid.
* * *
Hindi pala kami nagkamali nang aming nakita sa Rustan’s Morato na sweet na nagu-grocery. Tama ang aming nakitang si Luane Dy at Carlo Gonzales ang nakita naming magka-holding hands na umiikot sa supermarket.
The same day na nakita namin silang dalawa, may nag-email sa amin para ibalitang si Carlo na first cousin ni Dingdong Dantes ang bagong BF ni Luane after her break-up with model Mark Zembrano.
Kasama sina Luane at Carlo sa I Heart You Pare, ang role ng una’y bilang ang babaeng mahal ni Kenneth (Dingdong) at kontrabida naman si Carlo. Mas may eksena pa sina Luane at Dingdong kesa sa BF na si Carlo.
* * *
Tinukso kay Eugene Domingo si Direk Dominic Zapata nang dumating sa presscon ng My Valentine Girls at nang punahin naming sobra siyang mabango, ang sagot ay “Dahil makikita ko si Eugene. ’Yun ba ang gusto n’yong marinig?”
Ang Soulmates episode nina Richard at Rhian Ramos ang dinirek ni Dominic at wish niyang maidirek sa movie si Eugene. Sa ngayon, sa Comedy Bar nila ni Allan K niya ito idinidirehe.
Hindi namin natanong si Direk Dom sa isang isyu na may P3M na bumalik sa kanya at ang dinig namin, ang ex nitong si Krista Ranillo ang nagbalik. May joint account pala sila kung ganun?
- Latest
