Willie giyawyawan on air si John!

CEBU, Philippines - Giyagyag ni Willie Revillame   sa programa niya nga Willing Willie sa TV 5 ang iyang kahiubos ngadto sa iyang mga higala nga sila si Jhon Estrada ug Randy Santiago.

Niadtong Enero 26, miabot ngadto sa lima ka minutos ang iyang pagpangatake ngadto sa iyang mga higala.

Kahinumduman nga miulbo ang taho nga malakip sila si Randy ug Jhon sa bag-ong noontime show sa ABS-CBN.

“Eto yung dalawang kaibigan ko, si Randy Santiago at si John, na dati kong kasama sa MTB na tinanggal, ngayon yata kinukuha ulit. Pag hindi kayo nag-rate, tatanggalin na naman kayo, mag-isip kayong mabuti. Tama?

“Sa akin kayo maniwala, ako ang kasama n’yo sa hirap at ginhawa. Maniwala kayo sa akin. Nasa inyo ‘yan. Okay? Pag tumanda tayo, tayo-tayo pa rin ang magkakasama. Dito sa TV5, nakaplano na lahat. Okay?”,” birada pa sa TV host ngadto sa iyang mga higala.

Matud pa niya nga nahinabi na unta   niya ang mga kadagkoan sa TV 5 aron matagaan og noontime show ang duha   apan nakugang nalang siya sa taho nga malakip diay kini sa usa ka noontime show sa laing istasyon.

Mibahad usab si Willie kang Jhon nga kalimtan ang ilang panaghigalaay kung dawaton niini ang tanyag sa Dos.

Dugang pa niya nga dili siya motambong sa kasal ni Jhon ngadto kang Priscilla Merillies. (Sanden J. Anadia)

Wendell nagpasakop sa PPL

Mipirma kagahapon si Wendell Ramos og three-year management contract sa PPL Entertainment nga gipangulohan ni Perry Lansigan. Ang PPL maoy naghupot sa mga career nila ni Dingdong Dantes, Geoff Eigenmann, Gabby Eigenmann, Jolina Magdangal ug uban pa.

Iza usa ka buwan lang sa EB

Tsika pa sa TAPE executive Malou Choa Fagar nga usa ka buwan nga makita si Iza Calzado sa Eat Bulaga   ug magsugod na siya sa maong programa karong February 14. Kini maoy follow-up project sa aktres human sa seryeng Beauty Queen ug “The Sweet Life”.

Charice mitingog na

Girespeto ni Charice Pempengco ang opinyon ni Ogie Diaz kinsa nangatake kaniya nga matud pa wala siya’y angay sa gisul-ob niya nga eyeglasses. Dugang pa sa batang singer nga dili usab siya kabasol sa iyang mga fans kinsa vocal kaayo sa ilang kasuko ngadto kang Ogie.Suma pa ni Charice nga dili siya magpaapekto   kung sawayon siya sa ubang tawo.

Mariel nahagit sa bag-ong show

Dakong hagit alang kang Mariel Rodriguez nga makuha niya pagbalik ang simpatiya sa masa sa higayon sugdan na ang bag-ong noontime show sa ABS-CBN diin iyang makauban si Toni Gonzaga. Suma pa sa aktres nga excited na siya sa maong show ug panghinaut niya nga padayon siya nga suportahan sa iyang mga fans.

Mag-uyab magtigi

“Trabaho lang,” mao kini ang baruganan ni Drew Arellano kung matinuod ang mitumaw nga report sa miaging adlaw nga dunay posibilidad nga ipuno isip bag-ong host sa Umagang Kay Ganda ang uyab niya nga si Iya Villania. Si Drew kasamtangang makita sa kaatbang sa UKG nga Unang Hirit sa GMA-7.