Bago si KC isang nakarelasyon na 'inamin' ni Piolo, hinahanap

TRUE : Proud na proud si Paolo Contis sa pagkuwento sa amin na kamukhang-kamukha niya ang pangalawang baby nila ni Lian Paz.

Sa huling ultrasound ni Lian, pinasilip sa kanila kung ano ang mukha ng baby at tuwang-tuwa ang aktor dahil talagang kanyang-kanya ang hitsura nito.

Kung kamukha nito si Xonia, mas carbon copy pa itong pangalawa nila na iluluwal na ni Lian bandang first week of March.

Nairita nga si Lian dahil talagang lahat ay kuha kay Paolo at ang aktor naman ay excited na sa nalalapit na panganganak ng girlfriend.

Since caesarian naman si Lian, balak ni Paolo i-schedule na ang panga­nganak ni Lian sa mismong kaarawan ng panganay nilang si Xonia, pero depende pa sa payo ng doktor kung puwede na ito.

Isa sa mga napili na nilang ninang sa pangalawang baby ay si Marian Rivera dahil si Dingdong Dantes naman ang ninong sa una nilang baby.

TANONG : Sino nga ba itong nakarelasyon ni Piolo Pascual eight years ago na inamin niya?

Pagkatapos inamin ng aktor sa The Buzz na sila na ni KC mula pa nung October 21, 2010, nabanggit na ngayon pa lang umamin uli ito after his previous relationship eight years ago.

Kaya nagtatanungan na kami kung sino itong nakarelasyon niya noon na inamin din niya, dahil sa patuloy na pagsubaybay namin sa career ng aktor, ito pa lang ang kay KC ang inamin niya sa publiko.

TOTOO KAYANG tsika sa amin ng isang taong malapit sa male singer na nung nakarelasyon nito ang isang sexy actress, hirap na hirap itong kumilos kapag kasama ang girlfriend niya?

Napapansin nilang kakaiba ang kilos niya kapag magkasama sila ng sexy actress dahil kapag wala naman itong huli, ibang-iba naman ang mga galaw na nakikita sa kanya.

Kapag wala ang syotang sexy actress, panay ang retouch nito ng makeup. Pero kung katabi si sexy actress, hindi nagagalaw ang dala-dalang makeup.

TSIKA LANG : Tuwang-tuwa si Alfred Vargas sa mainit na pagtanggap sa kanya ng ABS-CBN nang bumalik na ito via fantaseryeng Mutya at nagsimula na ito kagabi.

Nang mag-guest ito sa ASAP para i-promote ang Mutya, isang mahigpit na yakap ang sinalubong sa kanya ni Karylle dahil matagal din silang hindi nagkikita pagkatapos nilang magkasama sa Encantadia sa GMA 7.

Ang dami niyang mga dating kasamahan sa Dos at ang ilang nakasama rin niya sa GMA 7 na nasa Dos na rin ngayon, kaya tuwang-tuwa nang magkita-kita sila sa ASAP nung Linggo.

Inspired si Alfred sa mapanghamong role na ginampanan niya sa Mutya kaya puspusan pa rin ang pagpapayat niya dahil lagi siyang nakahubad dito bilang isang sireno.