Dagitab Festival

CEBU, Philippines - “Kaniadto kangi-ob apan karon kahayag na. Suga’ng dagitabnon mipadagan sa industriya. Naghatag kasayon sa panimalay ug patigayon. Ug sa paglambo’ng ekonomikanhon.” Nagkanayon ang makahuluganong mga pulong sa jingle sa Dagitab Festival sa dakbayan sa Naga, lalawigan sa Sugbo.

Ang “dagitab” o electricity sa iningles pa, nagsimbolo sa kahayag diin ang Naga nagmauswagon. Dili gayud nato ikalimod nga sa maong dakbayan anaa mahimutang ang mga power plant nga nag-supply og kuryente sa nagkalainlaing bahin dinhi sa lalawigan nga maoy nag-unang rason sa pagsulbong sa Naga karon.

Gumikan niini, ipahigayon gayud sa maong dakbayan ang nahisgutang festival mga duha ka adlaw sa dili pa ang Pasko. Pwes, nagsidlak-sidlak ang mga costumes sa mga mananayaw, aduna pa gayuy dagkong regalo, parol ug uban pang simbolo sa Pasko isip props.

Walo ka mga contingent nga gikan sa mga tulunghaan sa Naga ang nagtigi og sayaw nga gipahigayon sa kadalanan sa maong syudad ingon man sa bantawan sa Saint Francis of Assisi Ocean Park.

Adunay mga guest contingent nga milingaw usab sa mga nanan-aw sama sa Halad-Inasal Festival sa dakbayan sa Talisay; Kabkaban Festival sa dakbayan sa Carcar; ug Bonga Festival sa lungsod sa Sibonga.

Sa ikatulong tuig sa Dagitab Festival niadtong Disyembre 23, 2010, midaug sa Ritual and Showdown Competition ang Tribu Hugpong Balironganon sa Balirong National High School. Ang maong grupo usab ang miangkon sa Best in Costume Award.

Ang Tribu Pundok Masidlakon sa Naga National High School mao ang First Placer ug Second Placer usab ang Tribu Pamilyang Dominikano sa Siena School of Naga.

Daghang Salamat sa mainitong pag-abi-abi kanamo sa tanang mga opisyales sa dakbayan sa Naga ilabi na ni Mayor Valdemar Chiong, Vice Mayor Delfin Señor, SB Members, sa tanang staff sa Mayor’s Office ilabi na ni Noli Omani.

Dagitab Isinggit ta! Dagitab pasundayag sa katawhan! Dagitab!

Dagitab Festival 2010 contingents:

1. Tribu Pamilyang Dominikano

Siena School of Naga

Barangay East Poblacion

2. Tribu Mangunguling

Uling National High School

Barangay Uling

3. Gleaming Tribe

Tuyan National High School

Barangay Tuyan

4. Tribu Pundok Masidlakon

Naga National High School

5. Tribu Hugpong Balironganon

Balirong National High School

Barangay Balirong

6. Tribu Mahudyakanong Pangdananon

Don Emelio Canonigo Memorial National

High School

Barangay Pangdan

7. Tribu Sidlak Cultural Arts

Professional Academy of the Philippines

Barangay South Poblacion

8. Tribu Placidoñan

Placido L. Señor Memorial National

High School

Barangay Langtad

Best in Street Dancing

1st Placer – Gleaming Tribe

2nd Placer – Tribu Sidlak Cultural Arts

3rd Placer – Tribu Hugpong Balironganon