Hayden Kho at Sen. Bong Revilla nagpanggap na 'di magkakilala

Seen : Nagpang-abot sina Senator Bong Revilla, Jr. at Hayden Kho, Jr. sa relaunching ng Inside Showbiz magazine. Nagpanggap sila na hindi nila nakita ang isa’t isa.

Scene : Off-limits sa media ang kasal bukas ni Roxanne Guinoo at ng kanyang boyfriend na si Elton Yap. Baby girl ang panganay nina Roxanne at Elton.

Seen : Nag-sorry kahapon si Baron Geisler kay Cherry Pie Picache sa presscon na ipinatawag ng kanyang manager na si Arnold Vegafria. Hindi nag-sorry si Baron kay Yasmien Kurdi at sa ibang babae na nagrereklamo na binastos niya.

Scene : Malapit nang bumalik sa Glee si Sunshine Corazon, ang karakter ni Charice. Mapapanood si Charice sa limang episode ng Glee.

Seen : Si Nadia Trinidad ang ipinalit kay Ging Reyes bilang News Bureau Chief ng ABS-CBN sa North America. Si Ging ang humalili kay Maria Ressa bilang head ng ABS-CBN News & Current Affairs.

Scene : Ikinalungkot ni Efren Penaflorida, Jr, ang pagwawakas ng kanyang show sa TV5, ang Ako Mismo. Kagabi ang last telecast ng Ako Mismo.

Seen : Hindi maitago ni Iya Villania ang kanyang pagtaba at kitang-kita ang ebidensiya sa show niya sa MYX Channel. VJ si Iya sa MYX.

Scene : Ipalalabas bukas ng 10:00 p.m. sa History Channel ang Marcos : Downfall of a Dictator at Ang Cory Aquino : The Housewife Who Led a Revolution naman ang mapapanood sa January 30.