Baron kinahanglan mag-public apology
CEBU, Philippines - Human sa tigom sa mga sakop sa Professional Artists Managers Inc. (PAMI) niadtong Miyerkules sa gabii, nahukman sa mga talent managers nga sila si Arnold Vegafria ug Ed Instrella nga kinahanglan nga mobuhat og public apology si Baron Geisler gumikan sa gibuhat niini ngadto kang Chery Pie Picache.
Si Arnold maoy manager ni Baron, samtang si Ed mao usab ang manager ni Cherry Pie.Kahinumduman nga mireklamo si Cherry Pie human gihikap ang iyang dughan sa taping sa seryeng Noah sa ABS-CBN.
Gawas sa public apology, gimandoan usab sa PAMI ang ilang mga sakop nga dili tugtan ang ilang mga talents nga makatrabaho si Baron ug ila lang kini nga bakwion kung “fully rehabilitated” na ang actor.
“Ed Instrella related the unfortunate incident involving Cherry Pie and Baron during the taping of Noah last Friday January 14, 2011. Arnold Vegafria in behalf of Baron expressed his sincere apology. He is in agreement that Baron needs professional and medical help and has expressed to PAMI that Baron is willing to undergo treatment. We are supporting Arnold in his efforts to help his artist,” tipik sa official statement nga gipagawas sa PAMI.
Nanawagan usab ang maong grupo ngadto sa mga TV networks ug movie producers nga tagaan og seguridad ang mga artista ug ilikay kini sa mga artista nga wala sa panimuot nga motunga sa set.
Dili na kini bag-o nga isyu alang kang Baron sanglit nakadawat na usab kini og reklamo kaniadto gikan sa anak nila ni Yayo Aguila ug William Martinez nga si Patricia Martinez niadtong Mayo 2008.
Pag-abot sa tuig 2009, gikasohan usab siya og acts of lasciviousness ug unjust vexation ni Yasmien Kurdi. - Sanden J. Anadia
- Latest
