Performer wa ipakita sa TV

CEBU, Philippines -  Chika: Gdmrng Ryan. Ask lang ko f naa ba ka nabantayan sa show Ms.Cebu ug festival queen search. Ganito kc yun: Ang Mutya ng Pilipinas 2009,Jacquiline Schubert was 1 of the guest performers. Pero when it was her turn, mag-commercial break daun. So, dina cya makita nga performing on screen. Pero d other performers ipakita man. Sa write up xad sa Banat gahapon, her name wasn’t mentioned at all. Ang mga names r sa talents from Manila. Unsa man sabotahe? Ug nagpakita ba na nga gi-discriminate ra sad ninyo ang cebuano talents,U knw what? Bastos ug way modo ug kinsa man gani ang nag-manipulate ato. Nganong gipa-guest man ang tawo ug di man diay ipakita. Ang family intawon ug nga relatives and friends nga nag atang nga makita sa TV ,pwerteng pagkadismaya .Hasta ako galagot ko sa writer atong write up sa Banat gahapon. To think, nga dugay n jud mi nga subscribers ninyo. Pero sa inyong gihimo,makalagot mo….Gabriel of Liloan pinaagi sa text message niadtong Sabado.

Reaction: Gabriel, una sa tanan walay rason ang Banat News Hugyaw nga i-discriminate ang local talents tungod kay dili pagpanghambog, sa milabay nga lima ka tuig, ang imo ug atong Hugyaw kanunay nga nag-una pag-feature sa mga local talents and personalities nga mihimo og kasikas dili lamang dinhi sa Sugbo, kundili hasta na sa Manila ug sa gawas sa nasud.

Ikaduha, si Sanden Anadia nga maoy nagsuwat sa artikulo miangkon nga “it was an honest mistake,” ug mituo ko niya. In the first place siya maoy nag-interview ni Jackie human kini nakoronahan isip Mutya ng Pilipinas 2009. Mapasigarbuhon kaayo siya sa dalaga sukad kaniadto ug karon. Aber unsa may iyang motibo nga iyang sabotahion?

Ikatulo, in reality Gab, depende ra sa writer o sa editor kinsay iyang isuwat o dili. Kung mahisgutan maayo, pero kundili better luck next time. That’s showbiz—kaniadto ug karon. One has to be outstanding to be memorable!

Ikaupat, suma pa ni Bonding Adrian Dionzon nga maoy producer sa maong telecast, ingon niini na kanunay ang nahitabo sukad pa niadtong 2008, diin bisan sila si Anna Fegi ug Christian Bautista wala gani gyud makita sa telebisyon. Ngano man? Ang Cebu City Tourism Commission blocktimer, buot pasabot gibayran nila ang tulo ka oras nga pagsalida sa Studio 23 sa Miss Cebu pageant. Ug aron makabawi sa gibayad, kinahanglan nga dunay sponsor, ug aron makakuha og sponsor, kinahanglan nga ipagawas ang advertisement niining maong mga sponsors. Suma pa nga pagbuot sa organizer nga samtang dunay nag-perform sa mismong venue, mag-commercial break sa TV aron dili mokaon og taas nga oras ug dili laayon ang nanan-aw diha sa Grand Ballroom sa Waterfront.

Ikalima, sayop ka tungod kay matud ni Bonding Adrian sa Sinulog TV Special pa sa MagTV Na! karong Domingo puhon ipakita ang Festival Queen search nga imong gihisgutan.