Sinulog Festival Queen 2011

CEBU, Philippines - Nasukamod, apan daling nakabarug pero maisip nga mas matam-is ang kadaugan karong tuiga ni Steffi Rose Pearson Aberasturi sa Lumad Basakanon, human usab sa gidangatan sa unang Sugbuanon nga milangkat sa maong titulo niadtong 2007.

Kahinumduman nga sa nahisgutang tuig, ang lead dancer gikan sa Southwestern University nga si Dyza Jagna, ang labing unang Sugbuanon nga midaog niining maong indigay, apan gitangtangan sa iyang korona human siya napakyas pag-apil sa Sinulog Grand Parade niadtong tuiga.

Ug karon, paglabay sa tulo ka tuig, subling naangkon sa usa ka Sugbuanon ang idlas nga titulo, pinaagi na sa 16 –anyos nga si Aberasturi.

Apan, dili sayon ang pagdaog ni Aberasturi, sanglit nasukod man ang iyang kalig-on, sanglit atol sa iyang solo performance nasukamod siya.             

“I was overwhelmed for the feat. It’s a great honor and privilege for me to win the title. But I was not expecting to win because of the accident,” nagkanayon ang dalaga.

“For me, that accident taught me, that we experience ups and downs but if you have the determination to stand up after you fall, then something great is ahead of you,” dugang pa niya, kabahin sa iyang ala-Miriam Quiambao moment.

Nasayran nga ikaduhang pageant pa lang kini nga nasalmutan ni Aberasturi, diin ang una mao ang pagdaog niya isip Ms. Star Teen sa iyang tunghaan, sa San Roque Development Center sa Liloan, diin usa siya ka high school junior. Nagplano usab siya nga mosalmot og dagko nga mga indigay sa kaanyag puhon sama sa Miss Mandaue ug Miss Cebu pag-abot sa tukmang panahon.

Napili si Aberasturi nga mamahimong lead dancer sa Cebu’s legendary Sinulog champion, Lumad Basakanon, human ang designer sa maong grupo nga si Mercury Gumera, misugyot kabahin niini.

“I was motivated by my parents, Tribo Lumad Basakanon and above all to Senyor Sto. Niño, where I dedicated my performance,” nagkanyon ang rayna, kinsa sakop sa Ozar Models Philippines ni Danny Booc.

Gawas sa titulo, nangharos usab si Aberasturi sa mga corporate awards lakip na ang Best in Runway, Ms. SM, Ms. Photogenic, Ms. Mendez Medical Group ug Ms. Samsung.

Completing Aberasturi’s court mao sila si Jey Ann Avenido sa Tribu Kandaya sa Daan Bantayan, Barbette Joanne Badocdoc sa Pintados Festival sa Tacloban Leyte, Phoebe Corrine Pataytay sa Lahug Elementary School ug si Denice Marie Caminade sa Banay Talambanon.

Si Avenido nakalangkat usab og upat sa lima ka major awards, Best in Gown Design, Best Solo Performer, Best in Production Number, Best in Group Presentation ug Best in Musicality. Siya pod ang Ms. Ever Bilena, Ms. Lecit-E ug Ms. Casino Femme.

Si Marie Marana sa Buyuogan Festival sa Abuyog, Leyte maoy nakakuha sa Best in Festival Costume award ug Ms. PLDT.

Sinulog Foundation’s Ricky Ballesteros, sa laing bahin, na-shock gyud sa dihang nasukamod si Aberasturi. “I was really shocked when that happened but what surprised me was when she was able to regain her composure. There is something in her, an ex-factor, I should say and she’s the only lady who kissed the Sto. Niño.”

Ug sa labing unang higayon sa walo ka tuig na nga Sinulog Festival Queen competition, daghang mga Sugbuanon ang nasulod sa top five, nga matud pa ni Ballesteros: This is a great start for Cebu to dominate in their own hometown.