Tradisyunal na larong kalsada mapapanood sa TP
MANILA, Philippines – Ngayong Sabado sa special episode ng Anak-TV seal awardee na Tropang Potchi, bibida ang mga tradisyonal na Pinoy games!
Sa pakikipagtulungan ng programa sa Magna Kultura Foundation na nagtataguyod ng mga tradisyonal na Filipino street games sa bansa, ginanap noong Enero 7 ang Palarong Potchi kung saan daan-daang estudyante sa Grade 4 at 5 sa Sto. Niño Elementary School sa Marikina ang nakisaya sa mga palaro kasama ang kanilang mga Kapotchi na sina Julian Trono, Ella Cruz, Sabrina Man, Miggy Jimenez, Bianca Umali, at Lianne Valentino.
“Tropang Potchi is all about learning while having fun. Ang mga bata, natututo sila habang naglalaro - natututunan nila ang pagiging patas, pakikipagkaibigan, at pakikitungo sa kapwa,” sabi ni Ian Roxas, Program Manager ng Tropang Potchi .
“Our sponsor, Columbia, is keen on promoting traditional Pinoy games. Kaya naisipan naming mag-organize ng isang game day para sa school kids. Sa tulong na rin ng Magna Kultura, magandang pagkakataon ito para buhayin muli ang interes ng mga bata sa mga tradisyonal na larong Pinoy.”
Huwag palalampasin ang Palarong Potchi ngayong Sabado, January 15, 10:00 a.m, sa Q Channel 11!
- Latest
