Marian stockholder na sa SM

CEBU, Philippines - Duna nay stocks si Marian Rivera sa SM Development Corporation (SMDC). Tsika sa PEP, gihatagan og share sa SMDC si Marian tungod sa dako niining natabang isip endorser sa maong residential property developer.

Bilyon ang offer ni Piolo

I’m staying as Kapamilya. Kini maoy pagklaro ni Piolo Pascual taliwala sa taho nga bilyon ang kantidad sa kontrata nga gitanyag sa TV5 ngadto niya aron mamahimong exclusive talent.

Sam ug Anne may gap

Walay regular nga komunikasyon sila si Anne Curtis ug Sam Milby pero giklaro sa hunk actor nga okay sila sa aktres TV host. Gani gipadayag niya nga malipayon siya sa relasyon sa aktres ngadto kang Erwan Heusaff.

Jake nataypan sa papa ni Melissa

Nakauyon ang amahan ni Melissa Ricks sa giingong relasyon karon niini kang Jake Cuenca. Alang kang Kelly Eugene Ricks Jr., maayo og gawi ang aktor, pero pasagdan matud pa niya ang iyang anak unsay hukom niini kun gugma ang hisgutan.

Kris nahigam

Human mikabat na ngadto sa P109 million ang giingong gross sales sa iyang pelikulang “Dalaw” diin co-producer usab siya, gipadayag ni Kris Aquino nga ganahan pa siya nga mo-produce og laing pelikula basta dili siya maoy bida aron malikayan ang grabeng stress. Plano usab nila ni Boy Abunda, niya pa, nga mo-produce og concerts.

Jillian buhong og regalo

Regalohan og iPad 3G ni Senator Bong Revilla, ang iyang co-star sa Metro Manila Film Festival entry Si Agimat at si Enteng Kabisote nga si Jillian Ward. Samtang hatagan pud ni Claudine Barretto, si Jillian og professional makeup kit. Co-star ni Claudine ang child star sa Jillian: Namamasko Po, diin last taping day na niini karong January 18.

Younghusbands magpabilin sa Azkals

Nakahukom na matud pa ang magsuong James ug Phil Younghusband nga magpabilin sa Azkals bisan pa man og dako kaayo ang tanyag sa Jakarta Football Club. Tsika sa kolumnista sa PangMasa nga si Ruel Mendoza, nagkanayon si James nga priority nila ang “Philippine national team and our football academy .”

Frencheska may designer na

Todo na ang suporta sa GMA-7 sa ilang Next Big Star nga si Frencheska Farr. Tsika ni Ruel Mendoza sa Pang-Masa, gawas nga labihan ang promo sa album ni Frencheska, gisangunan pa gyud ang fashion designer nga si Ito Curata nga maoy mugawa sa mga sapot sa dalaga sa tanang shows niini.