Nadulas!

Big news ang pagkakadulas sa stage ni Sharon Cuneta sa kanyang birthday show sa Araneta Coliseum noong Tuesday night.

Hindi ako sure kung mapapanood ang nangyari sa Sunday airing ng kanyang show dahil baka i-edit ‘yon.

Nakunan ng litrato at ng mga TV camera ang insidente kaya lumabas ito sa mga diyaryo. Kung ako ang EP ng show, ipapalabas ko ang nangyari dahil solid proof ‘yun na professional artist si Sharon. Itinuloy niya ang show alang-alang sa kanyang libu-libong fans na nagpunta sa Araneta Coliseum.

Marian stock holder sa isang kumpanya ng condo

May question si Trish Madrigal tungkol sa kanyang idol na si Marian Rivera. Hindi ko alam ang final answer dahil tanging si Marian at ang SM Development Corporation ang makakapag-confirm sa balita na nasagap ni Trish:

“I got a news about Marian’s contract with SMDC. Marian’s contract with them expired BUT per agreement, they can still use Marian on their advertisement and she cannot endorse other condo BECAUSE Marian is one of the Share Holders of SMDC.”

Krista bawal nang magbiyahe

Maraming salamat sa mag-asawang Krista Ranillo at Niño Lim dahil sa pagmamahal na ipinaramdam nila sa akin. Alam n’yo na kung ano ‘yon.

Matagal-tagal na rin kaming walang communication ni Krista pero alam ko na updated siya sa mga nangyayari sa Pilipinas dahil binabasa niya ang online edition ng PSN.

By this time, siguradong malaki na ang tiyan ni Krista dahil papalapit nang papalapit ang araw ng pagsisilang niya sa panganay nila ni Niño.

Hindi natuloy ang balak na pag-uwi sa Pilipinas ng mag-asawa noong 2010 at malabo na matuloy ngayong 2011 dahil manganganak na nga si Krista. Hindi na siya puwedeng sumakay sa eroplano at magbiyahe ng malayo.

replay hindi na puwede sa TV5

May correction please ang TV5 tungkol sa timeslot ng My Driver Sweet Lover. Replay pala ang napapanood sa gabi dahil hapon ang tunay na timeslot ng TV series nina JC de Vera at Danita Paner na may relasyon sa tunay na buhay.

May mga nakaka-miss naman sa replay sa gabi ng Face To Face, partikular na ang mga may pasok sa opisina tuwing umaga. Mahirap na yatang magkaroon ng replay ang show ni Amy Perez dahil siksik na siksik ang primetime show ng Kapatid network.