Dwarfina, higante ang rating!

CEBU, Philippines - Dili duwinde ang pilot rating nga natala sa labing bag-ong pantaserye sa GMA-7 nga nagsugod niadtong Lunes sa gabii. Hinunua, kini maoy labing taas nga nahipos nga rating, hinungdan nga ang maong serye nga gibituonan nila ni Heart Evangelista ug Dennis Trillo maoy nag-una didto sa Mega Manila suma pa sa AGB Peoples Rating:

1. Dwarfina (GMA) 15.4% - pilot

2. Jillian: Namamasko Po (GMA) 13.5%

3. 24 Oras (GMA) 12.7%

4. Beauty Queen (GMA) 12.4%

5. Baker King (GMA) 11.6%

5. Imortal (ABS-CBN) 11.6%

7. Bantatay (GMA) 11.3%

8. Mara Clara (ABS-CBN) 10.5%

9. TV Patrol (ABS-CBN) 9.3%

10. Noah (ABS-CBN) 9.1%

10. Willing Willie (TV5) 9.1%

12. Kristine (ABS-CBN) 8.3%

13. East of Eden (GMA) 7.8%

14. SNN (ABS-CBN) 4.6%

15. Sabel (ABS-CBN) 4.5%

Go Lani!

Busy karon si Lani Misalucha   gumikan sa   variety show niya nga nag-ulohan og “It's Vegas with Lani Misalucha” ug gipangandaman na usab niya ang paglusad puhon sa iyang international album.

Heart ug Raymond nagdedmahay

Miulbo karon ang reports nga matud pa   wala magtingog sila si Raymond Gutierrez ug Heart Evangelista sa programang Party Pilipinas ug Showbiz Central niadtong Domingo. Matud pa nga nahiubos gihapon hangtud karon si Raymond ngadto kang Heart sukad mibiya ang aktres sa tugkaran sa iyang inahan nga si Annabelle Rama.

Ebe manamilit sa Sugarfree

Mopahigayon og send-off gigs ang grupong Sugarfree alang sa ilang lead singer-composer nga si Ebe Dancel kinsa mihukom na nga mobiya sa grupo gumikan kay atimanon niya ang laing trabaho nga duna gihapo’y kalabotan sa musika.

Luis mingaw ang Valentines Day

Wala’y plano si Luis Manzano nga mangimbitar og babaye aron mahimo niya nga ka-date sa Valentines Day. Tsika pa niya nga busy siya sa trabaho ug labaw sa tanan, single siya karong panahona.Giangkon ni Luis nga espesyal gihapon ang iyang ex-girlfriend nga si Angel Locsin gumikan kay close kini sa iyang inahan nga si Vilma Santos. “Angel has always been close to my Mom ,” nagkanayon si Luis.

Kris giregalohan og libro ni Ted

Gitagaan ni Ted Failon og libro si Kris Aquino nga nag-ulohan og    7 Secrets of a Happy Home nga sinuwat ni Pastor Joey . Nag-dinner sila si Kris ug Ted sa milabay nga gabii uban ni Pastor Joey ug ang kapikas niini nga si Digna. Nagmaya karon si Kris gumikan kay nagkataas ang kita sa pelikula niya nga Dalaw ug extended usab kini sa 79 ka mga sinehan sa tibuok nasud.

Solenn nadismaya sa French TV network

Nasakitan ang half-French, half-Filipina actress nga si Solenn Heusaff sa dihang gitawag   siya og “bimbo” sa usa ka French TV network . Nalantawan sa higala ni Solenn nga nakabase sa France ang report sa French Channel M6 pinaagi sa programa nga Stories of Gangsters, Drug Lords and Bimbos. Na-featured usab sa maong programa sila si Anne Curtis ug Ruffa Gutierrez .Suma pa ni Solenn nga gihulagway sila nga mga walay lingaw ug magsige og suroy sa mga nagkadaiyang dapit sa Pilipinas ug gitawag usab sila nga “bimbos” o mga babaye nga walay unod ang utok.   "I was very offended since my dad and I had helped them organize their documentary here [as well as provide for their] transportation. They wanted to film several sides of the Philippines and they just totally exaggerated the differences between the poor and more fortunate actress-singer.,’ nagkanayon si Solenn.